‘गझवा-ए-हिंद’ मॉड्यूल संदर्भात महाराष्ट्रासह तीन राज्यात NIA कडून सात ठिकाणी छापेमारीNIA conducts raids at eight locations in three states including Maharashtra in connection with Gazwae Hind module

‘गझवा-ए-हिंद’ मॉड्यूल संदर्भात महाराष्ट्रासह तीन राज्यात NIA कडून सात ठिकाणी छापेमारी

या छापेमीरी दरम्यान आक्षेपार्ह साहित्य जप्त करण्यात आले आहे.

विशेष प्रतिनिधी

नवी दिल्ली : राष्ट्रीय तपास संस्थेने (एनआयए) देशभरातील गझवा-ए-हिंदशी संबंधित लोकांच्या ठिकाणांवर छापे टाकले. एनआयएच्या पथकाने महाराष्ट्र, गुजरात, मध्य प्रदेश या तीन राज्यांमध्ये एकूण आठ ठिकाणी कारवाई केली. गझवा-ए-हिंद ही दहशतवादी संघटना अल कायदा या दहशतवादी संघटनेशी जवळून काम करते. NIA conducts raids at eight locations in three states including Maharashtra in connection with Gazwae Hind module

राष्ट्रीय तपास यंत्रणेने महाराष्ट्रातील नागपूरात चार ठिकाणी, गुजरातमध्ये तीन ठिकाणी आणि मध्य प्रदेशात एका ठिकाणी छापे टाकले आहेत. हे प्रकरण हिंसक दहशतवादी कृत्ये करण्यासाठी विविध सोशल मीडिया प्लॅटफॉर्मवर प्रभावशाली तरुणांच्या कट्टरपंथीयतेशी संबंधित आहे.

वॉशिंग्टन डीसीच्या प्रेस क्लबमध्ये काश्मीर परिवर्तनाबाबत सुरू असलेल्या चर्चेत पाकिस्तानने घातला गोंधळ; अखेर अधिकाऱ्याला बाहेर हाकललं!

या छापेमीरी दरम्यान आक्षेपार्ह साहित्य जप्त करण्यात आले आहे. ज्यामध्ये मोबाईल फोन, मेमरी कार्ड आणि सर्व कागदपत्रांचा समावेश आहे. यावरून असे दिसून येते की हे लोक दहशतवादी कारवाया करण्यासाठी विविध व्यासपीठांवर प्रभावशाली तरुणांना कट्टरपंथी बनवण्यात गुंतले होते. एनआयएने अद्याप कोणाच्याही अटकेबाबत अधिकृत वक्तव्य जारी केलेले नाही.

Incriminating materials, including digital devices (mobile phones, memory cards) and documents have been seized: National Investigation Agency (NIA)

— ANI (@ANI) March 23, 2023

NIA ने गेल्या वर्षी २२ जुलै रोजी बिहारमधील फुलवारीशरीफ पोलीस ठाण्यात गझवा-ए-हिंदशी संबंधित गुन्हा दाखल केला होता. फुलवारीशरीफ प्रकरणाच्या तपासात एनआयएने म्हटले होते की, “आरोपी मरगुब अहमद दानिश हा कट्टरपंथी विचारसरणीचा माणूस असून तो गझवा-ए-हिंद या व्हॉट्सअॅप ग्रुपच्या माध्यमातून अनेक विदेशी संस्थांच्या संपर्कात होता.” त्यानेच हा व्हॉट्सअॅप ग्रुप तयार केला होता.