कर्नाटकातील जामिया मशिदीवरून वाद : हिंदू गटाची व्हिडिओ सर्वेक्षणाची मागणी, पूजा करण्याचा मागितला अधिकार Dispute over Jamia Masjid in Karnataka Hindu group demands video survey, demands right to worship

कर्नाटकातील जामिया मशिदीवरून वाद : हिंदू गटाची व्हिडिओ सर्वेक्षणाची मागणी, पूजा करण्याचा मागितला अधिकार

वृत्तसंस्था

बंगळुरू : कर्नाटकातील मंड्या जिल्ह्यातील जामिया मशीद हे पूर्वी मंदिर असल्याचा दावा केला जात आहे. प्राचीन हनुमान मंदिर पाडून मशीद बांधण्यात आल्याचे विश्व हिंदू परिषदेसह (VHP) अनेक हिंदू गटांचे म्हणणे आहे. हिंदू संघटनांच्या या युक्तिवादानंतर मशिदीच्या अधिकाऱ्यांनीही सरकारकडे संरक्षणाचे आवाहन केले आहे.

हिंदूंच्या चार मागण्या…

1. ज्यांनी मशिदीच्या आतील हिंदू प्रतीकांची नासधूस केली त्यांच्याविरुद्ध एफआयआर नोंदवावा.
2. मशिदीतील मदरसा आणि स्वयंपाक बंद करावा.
3. भारतीय पुरातत्व सर्वेक्षण विभागाने (ASI) मशिदीच्या आत व्हिडिओ सर्वेक्षण केले पाहिजे.
4. हिंदूंना स्मारकाच्या आत पूजा करण्याची परवानगी द्यावी.

दिल्लीच्या जामा मशिदीखाली हिंदू देवतांच्या मूर्ती; हिंदू महासभेचा दावा!!; न्यायालयात जाणार

निषेध करणाऱ्या हिंदू गटावर कारवाई

हिंदू गटाने सांगितले होते की, ते 4 जून रोजी मशिदीमध्ये पूजा करतील, ज्याबद्दल अधिकाऱ्यांनी सतर्क केले आणि 3 जून रोजी शहरात कलम 144 लागू केले. यानंतरही लोकांनी ऐकले नाही, शनिवारी विहिंप आणि बजरंग दलाच्या 100 हून अधिक कार्यकर्त्यांनी जामिया मशिदीत निदर्शने केली. यानंतर पोलिसांनी सर्वांना ताब्यात घेतले.

हिंदू म्हणाले – ज्यांनी कब्जा केला त्यांच्यावर कारवाई झाली पाहिजे

कार्यकर्त्यांवरील कारवाईनंतर श्रीराम सेनेचे प्रमुख प्रमोद मुथालिक म्हणाले की, आंदोलकांना रोखणे योग्य नाही. ज्यांनी पकडले आहे त्यांना सोडावे. येथे नमाज अदा करणाऱ्यांवर कारवाई केल पाहिजे.

20 मे रोजी वाद सुरू झाला

20 मे रोजी मशिदीचा वाद सुरू झाला. ज्ञानवापी मशिदीप्रमाणे जामिया मशिदीतही सर्वेक्षण करावे, अशी मागणी करणारे निवेदन विहिंप आणि बजरंग दलाने जिल्हाधिकाऱ्यांना दिले होते. यावरून ते मंदिर असल्याचे स्पष्ट होईल. मशिदीच्या जागेवर हनुमानाचे मंदिर होते, ते पाडून त्यावर मशीद बांधण्यात आली, असा हिंदू गटांचा दावा आहे.

माजी मुख्यमंत्र्यांचा दावा – मंदिराचे अस्तित्व खरे

कर्नाटकचे माजी मुख्यमंत्री आणि जनता दलाचे नेते एचडी कुमारस्वामीही या दाव्यात सामील झाले आहेत. ते म्हणतात की मंदिराचे अस्तित्व खरे होते. त्याचप्रमाणे गोव्यातही पोर्तुगीजांनी मंदिरे उध्वस्त केली आणि चर्च बांधले. तसेच सरकारी कागदपत्रे काय सांगतात तेही पाहू, असेही ते म्हणाले.