हिजाबवरून वाद, कर्नाटकातील शाळा-महाविद्यालये तीन दिवस बंद


विशेष प्रतिनिधी

बंगळुरू : कर्नाटकमध्ये हिजाबवरून सुरू असलेल्या वादाच्या पार्श्वभूमीवर राज्य सरकारने पुढील तीन दिवस शाळा आणि महाविद्यालये बंद आदेश दिले असल्याची माहिती मुख्यमंत्री बसवराज बोम्मई यांनी त्यांच्या सोशल मीडियावरून दिली आहे.Dispute over hijab, schools and colleges in Karnataka closed for three days

कर्नाटक उच्च न्यायालयाने हिजाब प्रकरणी मुस्लिम विद्यार्थिनींच्या 4 याचिकांवर सुनावणी केली. न्यायमूर्ती कृष्णा दीक्षित म्हणाले की, आम्ही कायद्याचे पालन करू. संविधान जे सांगेल तेच आम्ही करू. संविधान हीच आपल्यासाठी भगवद्गीता आहे. प्रकरणात जो काही निर्णय होईल, तो सर्व याचिकांना लागू होईल. मुस्लीम विद्यार्थिनींची बाजू वकील देवेंद्र कामत यांनी न्यायालयात मांडली. त्याचवेळी सरकारच्या वतीने राज्याचे महाधिवक्ता (एजी) सुनावणीत सहभागी झाले होते.



कर्नाटक उच्च न्यायालयाच्या खंडपीठाने खटल्याच्या सुनावणीच्या सुरुवातीलाच या मुद्द्याला पुष्टी देण्यासाठी पवित्र कुराणची प्रत मागितली होती. न्यायमूर्ती दीक्षित यांनी विचारले की ही कुराणची अस्सल प्रत आहे का, त्यावर कोणताही वाद नाही.

सोशल मीडियावर सुरू असलेल्या हिजाबच्या वादाने आता भगवा आणि तिरंग्याच्या युद्धाचे स्वरूप घेतले आहे. एक व्हिडिओ समोर आला आहे ज्यामध्ये काही तरुण कॉलेजमध्ये लावलेला तिरंगा ध्वज काढून भगवा झेंडा फडकावताना दिसत आहेत. ही घटना शिमोगा येथील असल्याचे सांगितले जात आहे.

कर्नाटकातील कुंदापुरा महाविद्यालयातील 28 मुस्लिम विद्यार्थिनींना हिजाब परिधान करून वर्गात जाण्यापासून रोखण्यात आले. या प्रकरणाबाबत मुलींनी हायकोर्टात याचिका दाखल केली होती की, इस्लाममध्ये हिजाब अनिवार्य आहे, त्यामुळे त्यांना परवानगी देण्यात यावी. या मुलींनी कॉलेजच्या गेटसमोर बसून धरणेही सुरू केले होते.

हिजाब परिधान केलेल्या मुलींना प्रतिसाद म्हणून काही हिंदू संघटनांनी कॉलेज कॅम्पसमध्ये मुलांना भगवी शाल घालण्यास सांगितले. त्याचवेळी हुबळीमध्ये श्री राम सेनेने म्हटले होते की, जे बुरखा किंवा हिजाब घालण्याची मागणी करत आहेत ते पाकिस्तानात जाऊ शकतात. हिजाब घालून भारताला पाकिस्तान की अफगाणिस्तान बनवण्याचा प्रयत्न केला जात आहे, असा प्रश्नही उपस्थित करण्यात आला होता.

वाद वाढत असल्याचे पाहून कर्नाटकातील विजयपुरा येथील शांतेश्वरा पीयू आणि जीआरबी कॉलेज या दोन कॉलेजांना दोन दिवस सुट्टी देण्यात आली आहे, तर उडुपी येथील कॉलेजला हिजाब घालण्याची परवानगी देण्यात आली आहे.

Dispute over hijab, schools and colleges in Karnataka closed for three days

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    देशातील सर्वात स्वस्त इलेक्ट्रिक कार झाली लाँच : टाटा टियागो EV अवघ्या 8.49 लाखांपासून; एका चार्जवर 315 किमी वेदांत – फॉक्सकॉन सेमी कंडक्टर प्रकल्पाचे सर्वेसर्वा अनिल अग्रवाल यांचे महत्वाचे मुद्दे वनडे फॉरमॅटमधून ऑस्ट्रेलियन क्रिकेटर ॲरॉन फिंचची निवृत्ती