The Kashmir Files: स्वतंत्र भारताचा सर्वात क्रूर अध्याय…काश्मिरी पंडितांचे पलायन – हृदय पिळवटून टाकणारे सत्य अन् अनुपम खेर.. दिग्दर्शकाच्या हिंमतीला salute

By, madhavir agrawal - March 12, 2022 07:51:35

0

काश्मिरी पंडितांच्या पलायनाच्या ऐतिहासिक घटनेवर आधारित ‘द काश्मीर फाइल्स’ हा चित्रपट ११ मार्च रोजी प्रदर्शित झाला आहे. विवेक रंजन अग्निहोत्री दिग्दर्शित चित्रपटाच्या स्पेशल स्क्रिनिंगदरम्यान हृदय हेलावून टाकणारे दृश्य .दिग्दर्शकाच्या पाय पडले अनेक काश्मिरी पंडित

अनुपम खेर यांच्या ‘द काश्मीर फाइल्स’ने हृदय हेलावले.The Kashmir Files: The Cruel Chapter of Independent India … The Escape of Kashmiri Pundits – Heart wrenching Truth and Anupam Kher .. Salute to the Director

विशेष प्रतिनिधी

मुंबई :भारताचे दुसरे पंतप्रधान लाल बहादूर शास्त्री यांच्या जीवनावर आणि गूढ मृत्यूवर प्रकाश टाकणारा ‘द ताश्कंद फाईल्स’ हा चित्रपट 2019 मध्ये प्रदर्शित झाला. विवेक रंजन अग्निहोत्री दिग्दर्शित या चित्रपटातून शास्त्रीजींच्या मृत्यूची पुन्हा चर्चा झाली, त्यांचा मृत्यू कसा झाला? याला जबाबदार कोण होते? अखेर त्यांच्या मृत्यूच्या गूढावरून पडदा का उचलला गेला नाही? भारतातील राजकीय पक्षाचा यात सहभाग होता का? या प्रश्नांची उत्तरे शोधत या चित्रपटाची बरीच चर्चा झाली. असाच एक नवा चित्रपट ‘द काश्मीर फाइल्स’ चित्रपटगृहांमध्ये प्रदर्शित झाला आहे. याचे दिग्दर्शनही राष्ट्रीय पुरस्कार विजेते दिग्दर्शक विवेक अग्निहोत्री यांनी केले आहे. अनुपम खेर, मिथुन चक्रवर्ती, दर्शन कुमार आणि अतुल श्रीवास्तव यांसारखे दिग्गज कलाकार या चित्रपटात महत्त्वाच्या भूमिकेत आहेत.The Kashmir Files: The Cruel Chapter of Independent India … The Escape of Kashmiri Pundits – Heart wrenching Truth and Anupam Kher .. Salute to the Director

Last night at Jammu. #TheKashmirFiles #RightToJusticeTour pic.twitter.com/kfooTlAke9

— Vivek Ranjan Agnihotri (@vivekagnihotri) March 5, 2022

‘द काश्मीर फाइल्स’ हा चित्रपट ९० च्या दशकात काश्मिरी पंडितांच्या पलायनाच्या ऐतिहासिक घटनेवर आधारित आहे. काश्मीरमधून पंडितांना हटवण्यासाठी त्यांची तेथे हत्या करण्यात आली. काश्मिरी पंडित संघर्ष समितीच्या मते, 1990 मध्ये खोऱ्यात 75,343 काश्मिरी पंडित कुटुंबे होती. पण 1990 ते 1992 या काळात 70 हजारांहून अधिक कुटुंबांनी दहशतवाद्यांच्या भीतीने खोरे सोडले. 1990 ते 2011 या काळात दहशतवाद्यांनी 399 काश्मिरी पंडितांची हत्या केली आहे. गेल्या 30 वर्षांत खोऱ्यात जेमतेम 800 हिंदू कुटुंबे उरली आहेत. 1941 मध्ये काश्मिरी हिंदूंचा लोकसंख्येतील वाटा 15 टक्के होता. पण 1991 सालापर्यंत त्यांचा वाटा फक्त 0.1 टक्के राहिला. काश्मिरी पंडितांची मातृभूमी आणि कर्मभूमीतून विस्थापित होण्याची ही व्यथा व्यापक संशोधनानंतर रुपेरी पडद्यावर मांडली जात आहे.

अनुपम खेर आणि मिथुन चक्रवर्ती यांसारख्या कलाकारांनी सजलेला चित्रपट प्रदर्शित होण्यापूर्वी जम्मूमध्ये काश्मिरी पंडितांसाठी एक विशेष स्क्रीनिंग आयोजित करण्यात आले होते. प्रत्यक्षदर्शींच्या म्हणण्यानुसार, जेव्हा चित्रपट संपला तेव्हा तेथे उपस्थित असलेले अनेक प्रेक्षक इतके भावूक झाले की ते त्यांच्या जागेवर उभे राहून रडू लागले. काश्मिरी पंडितांची व्यथा चित्रपटात कशी मांडण्यात आली आहे, हे संपूर्ण थिएटरमध्ये निर्माण झालेले वातावरण पाहून समजले. चित्रपटाचे दिग्दर्शक विवेक अग्निहोत्री असेही म्हणतात की 1990 साली झालेला काश्मिरी नरसंहार हा भारतीय राजकारणातील महत्त्वाचा आणि संवेदनशील मुद्दा आहे, त्यामुळे तो पडद्यावर आणणे सोपे काम नव्हते. यासाठी आमच्या टीमने सखोल संशोधन केले आहे. काश्मीरमध्ये या हिंसाचाराचा थेट सामना करणाऱ्या सुमारे 700 काश्मिरी पंडितांच्या कुटुंबीयांशी चर्चा करण्यात आली आहे. त्यांना विस्थापित व्हावे लागले. तेअजूनही त्याच दहशतीत जगत आहेत.

We are certainly very thankful to @vivekagnihotri Ji , it's our story our Emotions

Now world will not remain silent and we will not be unheard #TheKashmirFiles is our voice pic.twitter.com/ANiHTbvlBB

— Ashish K 🇮🇳 ( Modi Ka Parivar ) (@KpNationalist) March 10, 2022

‘द काश्मीर फाइल्स’ या चित्रपटाला 5 पैकी 4.5 स्टार देऊन समीक्षक रोहित जैस्वाल लिहितात, “माझ्यासाठी द काश्मीर फाइल्स हा माझ्या संपूर्ण आयुष्यात केलेला सर्वात कठीण चित्रपट आहे. तो पाहण्यासाठी हिंमत लागते. प्रेक्षक हिंमत करू शकत असतील तरच हा चित्रपट पहा. विवेक रंजन अग्निहोत्री यांनी त्यांच्या कारकिर्दीतील सर्वोत्कृष्ट चित्रपट बनवला आहे.” 5 पैकी 3 स्टार देत, नीती सुधा यांनी लिहिले, “काश्मीरच्या सुंदर खोऱ्यांच्या या गडद इतिहासाच्या मोठ्या पडद्यावर चित्रपट पाहणे खूप वेदनादायक आहे. पण महत्वाचे देखील.

Meet #MohanLalRaina!! A refugee in his own country. A victim of #KashmiriPanditGenocide singing a song about his lost home and life. Feel his pain, his helplessness! I met him at the shooting of #TheKashmirFiles!!💔 #11ThMarch #OnlyInTheatres pic.twitter.com/vGp2OLpbQz

— Anupam Kher (@AnupamPKher) March 10, 2022

विवेक अग्निहोत्रीचा ‘द काश्मीर फाइल्स’ हा चित्रपट सत्यघटनेवर आधारित आहे. या चित्रपटात काश्मिरी पंडितांवरील क्रूर अत्याचार यासमोर मानवता आणि न्याय व्यवस्था यांना गुडघे टेकताना पाहून मन सुन्न होते. 2 तास 40 मिनिटांच्या या चित्रपटात कलम 370 पासून इतिहास आणि पौराणिक कथांवरही चर्चा करण्यात आली आहे.

Watched #TheKashmirFiles yesterday, and well, now I get why @vivekagnihotri had told me in the interview that he'd want people to compare it with Haider. Both films have a young man from a 'liberal' university returning to Kashmir… and well, similarities end there. Numbing.

— Rahul Roushan (@rahulroushan) March 7, 2022

चित्रपट समीक्षक सुमित कडेल लिहितात, “स्वतंत्र भारताचा सर्वात क्रूर अध्याय. यामध्ये काश्मिरी पंडितांच्या हत्याकांडाचा उलगडा न झालेल्या तथ्यांसह करण्यात आला. विवेक अग्निहोत्री दिग्दर्शित हा चित्रपट काश्मिरी पंडितांच्या विस्थापनाबद्दलचे सत्य जाणून घेण्यासाठी पाहणे आवश्यक आहे. हे सत्य भूतकाळातील पानांमध्ये दडले गेले होते.” यश बिनानी या वापरकर्त्याने लिहिले की, त्यांनी भारत सरकारला ‘द काश्मीर फाइल्स’ चित्रपट संपूर्ण देशात करमुक्त करण्याची विनंती केली आहे.

https://twitter.com/binaniyash94/status/1501078443865559040?s=20&t=9E9VPhPeeWQS6kuAJbVgLQ

राहुल रोशन लिहितात, “काल ‘द काश्मीर फाइल्स’ चित्रपट पाहिला. मुलाखतीदरम्यान विवेकने हैदरशी तुलना करण्यास का नकार दिला हे मला आता समजले आहे. दोन्हीमध्ये बरेच साम्य आहे, परंतु असे असूनही, दोन्ही चित्रपटांचा स्वतंत्र प्रभाव आहे, जो पाहिल्यानंतरच समजू शकतो.” पत्रकार ऋचा अनिरुद्ध लिहितात की या चित्रपटाने त्यांना पूर्णपणे हादरवून सोडले आहे.