इस्लामिक स्टेटचा क्रूरकर्मा दहशतवादी सामी जसीम इराकच्या ताब्यात, अमेरिकेने ठेवले होते 37 कोटी रुपयांचे बक्षीस । Iraq PM Al Qdimi says it arrested top islamic state leader sami jasim

इस्लामिक स्टेटचा क्रूरकर्मा दहशतवादी सामी जसीम इराकच्या ताब्यात, अमेरिकेने ठेवले होते 37 कोटी रुपयांचे बक्षीस

Iraq PM Al Qdimi says it arrested top islamic state leader sami jasim

Iraq PM Al Qdimi : इराकने सोमवारी जाहीर केले की, त्यांनी दहशतवादी संघटना इस्लामिक स्टेटचा एक प्रमुख नेता सामी जसीमला ताब्यात घेतले आहे. इराकचे पंतप्रधान मुस्तफा अल-कदिमी यांनी ट्विट करून ही माहिती दिली. त्यांनी सांगितले की, अटक केलेल्या व्यक्तीचे नाव सामी जसीम आहे. तो दहशतवादी अबू बकर अल-बगदादीचा डेप्युटी म्हणून काम करत होता. Iraq PM Al Qdimi says it arrested top islamic state leader sami jasim

वृत्तसंस्था

बगदाद : इराकने सोमवारी जाहीर केले की, त्यांनी दहशतवादी संघटना इस्लामिक स्टेटचा एक प्रमुख नेता सामी जसीमला ताब्यात घेतले आहे. इराकचे पंतप्रधान मुस्तफा अल-कदिमी यांनी ट्विट करून ही माहिती दिली. त्यांनी सांगितले की, अटक केलेल्या व्यक्तीचे नाव सामी जसीम आहे. तो दहशतवादी अबू बकर अल-बगदादीचा डेप्युटी म्हणून काम करत होता.

While our ISF heroes focused on securing the elections, their INIS colleagues were conducting a complex external operation to capture Sami Jasim, who was in charge of Daesh finance, and a deputy of Abu Bakr Al-Baghdadi.
Long live Iraq, and our brave heroes.

— Mustafa Al-Kadhimi مصطفى الكاظمي (@MAKadhimi) October 11, 2021

अल-कदिमी यांनी दहशतवाद्याला पकडण्यासाठी इराकी सैन्याने केलेल्या कारवाईला सीमापार गुप्तचर यंत्रणांपैकी सर्वात कठीण कारवाई म्हणून वर्णन केले. अमेरिकेच्या परराष्ट्र विभागाच्या रिवॉर्ड्स फॉर जस्टिस या कार्यक्रमामध्ये जसीमच्या शिरावर 5 दशलक्ष डॉलर (37 कोटी रुपये) बक्षीस ठेवण्यात आले होते. त्यात म्हटले आहे की, या दहशतवाद्याने इस्लामिक स्टेटच्या दहशतवादी कारवायांसाठी वित्त व्यवस्थापनात सहाय्यक म्हणूनही काम केले. परराष्ट्र विभागाने सांगितले की, जसीमने 2014 मध्ये दक्षिण मोसुलमध्ये आयएसचा उपनेता म्हणून काम केले. या दहशतवाद्याने आयएसचा अर्थमंत्री म्हणूनही काम केलेले आहे. तो तेल, वायू, पुरातन वस्तू आणि खनिजांच्या बेकायदेशीर विक्रीतून मिळालेल्या पैशांवर लक्ष ठेवत असे.

इराकच्या ताब्यात

इराकी गुप्तचर अधिकाऱ्यांनी असोसिएटेड प्रेसला सांगितले की, जसीमला ओळखल्या परदेशात ताब्यात घेतले होते आणि काही दिवसांपूर्वी त्याला इराकमध्ये आणले आहे. नाव न सांगण्याच्या अटीवर त्यांनी हे सांगितले. कारण ते जाहीरपणे मोहिमेवर चर्चा करू शकत नाहीत. जसीमने अल-कायदामध्ये इराकी नेता अबू मुसाब अल-जरकावीसोबत काम केले होते. अबू मुसाब अल-जरकावी हा जॉर्डनचा दहशतवादी होता, जो 2006 मध्ये इराकमध्ये अमेरिकेच्या हवाई हल्ल्यात ठार झाला.

Iraq PM Al Qdimi says it arrested top islamic state leader sami jasim

महत्त्वाच्या बातम्या