वृत्तसंस्था
जम्मू – कोरोनाच्या प्रकोपात मोठ्या शहरांमधून मास्क वापरण्यास टाळाटाळीच्या आणि नियमावली भंग केल्याच्या बातम्या येत असताना छोट्या गावांमधून प्रेरणादायी बातम्या येत आहेत. Gar Katiyas, in Tehsil Dudu of Udhampur J&K entire village to make the COVID19 vaccination drive a huge success: Govt of India
अशीच एक बातमी जम्मू काश्मीरमधून आली आहे. राज्याच्या उधमपूर जिल्ह्यातील दोडू तालुक्यातील गार कटियास या छोट्या गावातील १२० वर्षांची आजी धोली देवी यांच्या अथक प्रयत्नांमधून संपूर्ण गावाने कोरोना प्रतिबंधक लसीकरणाची मोहीम यशस्वीरित्या पूर्ण केली असून गावाला कोरोनापासून मुक्त ठेवले आहे. गावाची लोकसंख्या साधारण दीड हजार आहे. धोली देवी यांनी गावातील घराघरात जाऊन तसेच पंचायतीची मदत घेऊन कोरोना प्रतिबंधक लसीकरणाबाबत जनजागृती केली. महिला – पुरूषांना लस टोचून घेण्यास उद्युक्त केले.
त्यांच्या प्रयत्नांना यश येऊन गावात प्रत्येक नागरिकाचे लसीकरण झाले आणि गाव कोरोनापासून मुक्तता अनुभवत आहे. धोली देवींच्या प्रयत्नांची दखल भारतीय सैन्यदलाने घेतली असून लष्कराच्या नॉदर्न कमांडचे प्रमुख लेफ्टनंट जनरल वाय. के. जोशी यांनी गार कटियास गावात जाऊन धोली देवींची भेट घेऊन त्यांचा खास सत्कार केला. या वृद्ध मातेचे प्रयत्न संपूर्ण देशासाठी प्रेरणादायी असल्याचे विचार त्यांनी व्यक्त केले.
To be published, comments must be reviewed by the administrator.*
Our website uses cookies to improve your experience. Learn more
Download App