कुस्तीपटूंचे दुसऱ्यांदा धरणे, विनेश फोगाटचे पोलिसांवर गंभीर आरोप, खाणेपिणे बंद करून खेळाडूंना त्रास दिला

By, Pravin Wankhade - April 24, 2023 08:30:33

0

वृत्तसंस्था

नवी दिल्ली : भारतीय कुस्ती महासंघाचे (WFI) अध्यक्ष बृजभूषण शरण सिंह यांच्याविरुद्ध शनिवारी पुन्हा एकदा जंतरमंतरवर धरणे देत कुस्तीपटूंनी पोलिसांवर गंभीर आरोप केले आहेत. बजरंग पुनिया, विनेश फोगाट, साक्षी मलिक यांच्यासह देशातील अनेक पैलवान सायंकाळपासूनच धरणे देत बसले आहेत. पोलिसांनी त्यांना जेवण देणे बंद केले असून खेळाडूंना त्रास दिला जात असल्याचा आरोप या खेळाडूंनी केला आहे. Wrestlers strike for second time, Vinesh Phogat makes serious allegations against police, harasses players by stopping food and drink

एएनआय या वृत्तसंस्थेशी बोलताना विनेश फोगाटने सांगितले की, तिची तब्येत बरी नव्हती आणि त्यामुळेच ती गाडीतून औषधे घेण्यासाठी गेली होती, पण यादरम्यान तिला चारही बाजूंनी अडवले. तिला आत येण्यापासून रोखण्यात आले. विनेशने सांगितले की तिच्याशी धक्काबुक्कीही करण्यात आली.

#WATCH हमारे कई सारे साथी बाहर(जंतर-मंतर के) बैठे हैं, उनको अंदर नहीं आने दे रहे हैं। इन लोगों ने हमारा खाना-पानी सब बंद कर दिया है कि कुछ भी अंदर नहीं जाएगा: पहलवान विनेश फोगट, दिल्ली pic.twitter.com/9p6Kq40m8G

— ANI_HindiNews (@AHindinews) April 23, 2023

खाण्यापिण्यावर बंदी

विनेशने असेही सांगितले की, तिच्या अनेक सहकाऱ्यांना पोलिसांनी आत येण्यापासून रोखले होते. त्यांचे अनेक साथीदार बाहेर असून पोलीस त्यांना आत जाऊ देत नसल्याचे त्यांनी सांगितले. आतमध्ये पाणीही आणू दिले जात नाही, असे ती म्हणाली. विनेशने सांगितले की, त्यांचे अन्न-पाणी बंद करण्यात आले आहे.

त्याचवेळी ऑलिम्पिक पदक विजेता बजरंग पुनियाने आपण डगमगणार नसल्याचे म्हटले आहे. प्रसारमाध्यमांशी बोलताना बजरंग म्हणाला की, दिल्ली पोलिस आपल्यासोबत ज्या प्रकारे वागतात ते चुकीचे आहे.जंतरमंतरवर रात्री निदर्शनास परवानगी नाही. मात्र, खेळाडूंनी यासाठी परवानगी मागितली होती, ती दिल्ली पोलिसांनी दिली नाही. आपल्या मागण्या पूर्ण होईपर्यंत संप सुरूच ठेवणार असल्याचे बजरंगने सांगितले.

या कुस्तीपटूंनी जानेवारीत जंतरमंतर येथे बृजभूषण यांच्या विरोधात डब्ल्यूएफआय अध्यक्षांनी महिला खेळाडूंवर लैंगिक अत्याचार केल्याचा आरोप करत धरणे आंदोलन केले होते. भारतीय ऑलिम्पिक असोसिएशन आणि क्रीडा मंत्रालयाने याप्रकरणी समिती स्थापन केली होती. समिती स्थापन होऊनही या प्रकरणात काहीही झाले नाही, त्यामुळे हे लोक पुन्हा धरणे धरत बसले आहेत, असे खेळाडूंचे म्हणणे आहे. हे सर्वजण लवकरात लवकर बृजभूषण यांच्याविरोधात एफआयआर दाखल करण्याची मागणी करत आहेत.