मुस्लिम पंचायत सदस्यांच्या मतांनी भाजप विजयी : 5 जिल्ह्यांत 26 मुस्लिम जि.पं. सदस्यांमुळे भाजपचे अध्यक्ष, विकासासाठी निवडून दिल्याची भावना

UP Panchayat President Elections, 26 Muslim Panchayat Members Made BJP President In 5 Districts, Voted For Development

UP Panchayat President Elections : यूपीमधील जिल्हा पंचायत अध्यक्ष निवडणुकीत भाजपने 67 जागांसह मोठा विजय मिळविला आहे, तर सपाला केवळ 5 जागा मिळाल्या आहेत. जिल्हा पंचायत अध्यक्ष निवडण्यात मुस्लिम पंचायत सदस्यांनी भाजपला भरभरून मतदान केल्याची माहिती समोर आली आहे. विशेष म्हणजे हे एकाच नव्हे तर अनेक जिल्ह्यांत घडले आहे. मुस्लिम सदस्यांनी विकासाच्या अपेक्षेने भाजपला पाठिंबा दर्शविला आहे. त्यात समाजवादी पार्टी, बहुजन समाज पार्टी, आझाद समाज पार्टी आणि स्वतंत्र मुस्लिम पंचायत सदस्यांचा समावेश आहे. UP Panchayat President Elections, 26 Muslim Panchayat Members Made BJP President In 5 Districts, Voted For Development


विशेष प्रतिनिधी

लखनऊ : यूपीमधील जिल्हा पंचायत अध्यक्ष निवडणुकीत भाजपने 67 जागांसह मोठा विजय मिळविला आहे, तर सपाला केवळ 5 जागा मिळाल्या आहेत. जिल्हा पंचायत अध्यक्ष निवडण्यात मुस्लिम पंचायत सदस्यांनी भाजपला भरभरून मतदान केल्याची माहिती समोर आली आहे. विशेष म्हणजे हे एकाच नव्हे तर अनेक जिल्ह्यांत घडले आहे. मुस्लिम सदस्यांनी विकासाच्या अपेक्षेने भाजपला पाठिंबा दर्शविला आहे. त्यात समाजवादी पार्टी, बहुजन समाज पार्टी, आझाद समाज पार्टी आणि स्वतंत्र मुस्लिम पंचायत सदस्यांचा समावेश आहे.

बिजनौर : 10 मुस्लिम पंचायत सदस्यांचा भाजपला पाठिंबा

बिजनौरमध्ये भाजपचे साकेंद्र प्रताप सिंह यांनी जिल्हा पंचायत अध्यक्षांची खुर्ची काबीज केली आहे. जिल्ह्यात एकूण 56 पंचायत सदस्य आहेत. असे असूनही केवळ 55 मते पडली. भाजपचे उमेदवार साकेंद्र प्रताप सिंह 30 मते मिळवून विजयी झाले. बिजनौरच्या राजकारणावरून मिळालेल्या माहितीनुसार, 10 मुस्लिम पंचायत सदस्यांनी भाजपला विजय मिळवून देण्यासाठी मदत केली आहे. या 10 सदस्यांमध्ये बसपा, आझाद समाज पार्टी, कॉंग्रेस तसेच काही स्वतंत्र पंचायत सदस्यांचा समावेश असल्याचे सांगितले जात आहे. तथापि, बिजनौरच्या नूरपूर भागातील पंचायत सदस्य हिना परवीन यांचे पती सनावार यांचे म्हणणे आहे की आमचे भाजपचे उमेदवार साकेंद्र यांच्याशी आधीच संबंध आहेत. म्हणूनच आम्ही त्यांच्याबरोबर आलो आहोत. तसेच आम्ही त्यांना क्षेत्राच्या विकासासाठी मतदान केले आहे. कारण आम्ही जनतेला विकासाचे आश्वासन देऊन निवडणुका जिंकल्या. अशा परिस्थितीत आम्ही हरणाऱ्या व्यक्तीला मत दिले असते, तर या प्रदेशात आपला विकास होऊ शकला नसता.

फतेहपूर : अपक्ष मुस्लिम पंचायत सदस्यांचे भाजपला मतदान

असेच फतेहपूरमध्येही घडले आहे. 46 जागांवर 3 मुस्लिम सदस्य निवडून आले. ज्यामध्ये एक भाजपचा मुस्लिम पंचायत सदस्य होता. तर 2 स्वतंत्र मुस्लिम पंचायत सदस्य होते. त्यांनीही भाजपलाच मतदान केले आहे. येथे भाजपचे अभय प्रताप सिंह विजयी झाले. विशेष म्हणजे, सपाचे 9 सदस्य असूनही पक्षाच्या उमेदवाराला केवळ 5 मते मिळाली. यावरून येथे मुस्लिम पंचायत सदस्यांचा पाठिंबा मिळाल्याचे स्पष्ट झाले आहे.

संभल : भाजपला बसपाच्या मुस्लिम सदस्यांचा पाठिंबा

संभलमध्येही भाजपला मुस्लिम सदस्यांचा पाठिंबा मिळाला आहे. येथून भाजपच्या अनामिका यादव विजयी झाल्या आहेत. येथे 9 मुस्लिम पंचायत सदस्य असून त्यापैकी 4 बसपाचे आहेत, तर 5 अपक्ष आहेत. या सर्वांनी भाजपच्या अनामिका यांना मतदान केले आहे. अनामिका यांना 35 पैकी 22 मते मिळाली.

उन्नाव : सपाच्या मुस्लिम पंचायत सदस्यांचे भाजपला मतदान

उन्नावमध्ये दोन मुस्लिम महिला पंचायत सदस्य दिवा सफवी, नमीमुन निशान आणि फरान सफवी, मोहम्मद शकील असे दोन पुरुष आहेत. हे चौघेही समाजवादी पक्षाचे आहेत. उन्नावमध्ये भाजप आक्रमक होता. सूत्रांनी दिलेल्या माहितीनुसार, यातील दोन जणांनी भाजपला, तर दोघांनी भाजपचे बंडखोर अरुण सिंग यांना मतदान केले आहे.

बस्ती : निवडणुकीत पक्षभेद, जातीभेद विसरून मतदान

43 सदस्यांच्या जिल्हा पंचायतीच्या अध्यक्षपदासाठी भाजपचे उमेदवार संजय चौधरी यांच्या बाजूने 39 सदस्यांनी मतदान केले. तर सपाचे उमेदवार वीरेंद्र चौधरी यांना केवळ चार मते मिळाली. तीदेखील जेव्हा सपाने जाहीर केलेल्यांपैकी पाच उमेदवार विजयी झाले होते. भीम आर्मीच्या खुर्शीद यांच्यासह पाच मुस्लिम उमेदवारांनीही विजय मिळविला. कॉंग्रेसमधील एक, भाजपचे दोन आणि बसपाच्या सहा जणांनी विजय नोंदविला. असे असूनही भाजपच्या लाटेत सर्व समीकरणे कोसळली. निकाल लागल्यानंतर हे विजयी सभासद कुठे गेले असा प्रश्न उपस्थित केला जात आहे. मुस्लिम सदस्यांनीही भाजपला पाठिंबा दर्शविला असल्याचा अंदाज यावरून वर्तविला जात आहे.

UP Panchayat President Elections, 26 Muslim Panchayat Members Made BJP President In 5 Districts, Voted For Development

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    मोदींनी केला जगातील सर्वात मोठा रोड शो! मंत्रालयात प्रवेशद्वाराजवळ महात्मा फुले, सावित्रीबाई फुले यांच्या तैलचित्राचे अनावरण भारतात आता एक देश एक चार्जर