ओडिशा रेल्वे अपघातातील मृतदेह ठेवलेल्या शाळेचा भाग पाडला, मुले यायला घाबरत होती, आता पूजापाठही होणार|The part of the school where the bodies of the Odisha train accident were kept was demolished, children were afraid to come, now the pooja will also be held

ओडिशा रेल्वे अपघातातील मृतदेह ठेवलेल्या शाळेचा भाग पाडला, मुले यायला घाबरत होती, आता पूजापाठही होणार

वृत्तसंस्था

बालासोर : ओडिशा रेल्वे दुर्घटनेत प्राण गमावलेल्यांचे मृतदेह ज्या शाळेच्या इमारतीत ठेवण्यात आले होते ती आता पाडली जात आहे. मुले आणि शिक्षक येथे येण्यास घाबरत होते, त्यामुळे ही इमारत पाडून पुन्हा बांधण्याचा निर्णय घेण्यात आल्याचे शाळा प्रशासनाचे म्हणणे आहे. शाळा सुरू होण्यापूर्वी तेथे पूजापाठही केला जाईल.The part of the school where the bodies of the Odisha train accident were kept was demolished, children were afraid to come, now the pooja will also be held

बालासोर येथे 2 जून रोजी झालेल्या रेल्वे अपघातात 288 जणांचा मृत्यू झाला होता. घटनास्थळापासून 500 मीटर अंतरावर असलेल्या बहनागा हायस्कूलमध्ये मृतदेह ठेवण्यात आले होते. बचाव पथकाने 65 वर्षे जुन्या शाळेच्या इमारतीच्या दोन खोल्या आणि हॉलवेचे रूपांतर तात्पुरत्या शवागारात केले. कफनात गुंडाळलेले मृतदेह येथे आणण्यात आले होते.

120 तासांनंतरही 91 मृतदेहांची ओळख पटली नाही, ओडिशा रेल्वे अपघातावरून काँग्रेसचा रेल्वेमंत्र्यांवर हल्लाबोल

भीती घालवण्यासाठी पूजा होईल

शाळेच्या मुख्याध्यापिका प्रमिला स्वेन म्हणाल्या- लहान मुले घाबरतात. इमारत पूर्ण झाल्यानंतर शाळेने आध्यात्मिक कार्यक्रम आयोजित करण्याची आणि त्यांच्या भीतीवर मात करण्यासाठी काही विधी आयोजित करण्याची योजना आखली आहे. शाळेत सुमारे 650 मुले शिकतात.

जिल्हाधिकाऱ्यांच्या भेटीनंतर पाडण्याचे आदेश

जिल्हा प्रशासनाने गुरुवारी शाळेला भेट दिली. बालासोरचे जिल्हाधिकारी दत्तात्रय भाऊसाहेब शिंदे म्हणाले- मी शाळा व्यवस्थापनाचे सदस्य, मुख्याध्यापक, इतर कर्मचारी आणि स्थानिक लोकांची भेट घेतली आहे. मुलांना भीती वाटू नये म्हणून त्यांना जुनी इमारत पाडायची आहे. सध्या ही शाळा काही ठिकाणी पाडली जात असली तरी ती पूर्णपणे पाडण्यासाठी दोन-तीन महिन्यांचा कालावधी लागणार आहे.