दिल्लीसह संपूर्ण उत्तर भारतात भूकंपाचे जोरदार धक्के, 6.6 तीव्रता, अफगाणिस्तानात होते केंद्र|Strong earthquake across North India including Delhi, magnitude 6.6, epicenter in Afghanistan

दिल्लीसह संपूर्ण उत्तर भारतात भूकंपाचे जोरदार धक्के, 6.6 तीव्रता, अफगाणिस्तानात होते केंद्र

वृत्तसंस्था

नवी दिल्ली : मंगळवारी रात्री 10.15 च्या सुमारास दिल्ली-एनसीआरमध्ये भूकंपाचे धक्के जाणवले. उत्तर प्रदेश, पंजाब, जम्मू-काश्मीर, उत्तराखंड, बिहारमध्येही भूकंपाचे धक्के जाणवले. त्यांची तीव्रता 6.6 इतकी मोजली गेली. भूकंपाचा केंद्रबिंदू अफगाणिस्तानच्या फैजाबादपासून 133 किमी आग्नेयेला होता. भूकंपाचा केंद्रबिंदू जमिनीपासून 156 किमी खोलीवर होता.Strong earthquake across North India including Delhi, magnitude 6.6, epicenter in Afghanistan

भूकंपविज्ञान विभागाने दिलेल्या माहितीनुसार, अफगाणिस्तानातील कलाफगनपासून 90 किमी अंतरावर रात्री 10:17 वाजता भूकंपाचे धक्के जाणवले. यानंतर लोक घराबाहेर पडून रस्त्यावर आल्याचे पाहायला मिळाले. भूकंप इतका जोरदार होता की लोक प्रचंड घाबरले होते.

टेरर फंडिंगविरोधात NIAची पुन्हा कारवाई : पंजाब, हरियाणा, दिल्लीसह 70 ठिकाणी टाकले छापे

भूकंपामुळे जीवित वा वित्तहानी झाल्याचे वृत्त नाही, मात्र दिल्लीतील शकरपूर परिसरात इमारत झुकल्याचे वृत्त आहे. भारताशिवाय अफगाणिस्तान, पाकिस्तान, कझाकिस्तान आणि चीनमध्येही भूकंपाचे धक्के जाणवले.

या शहरांमध्ये भूकंपाचे धक्के जाणवले

उत्तराखंडच्या उत्तरकाशीमध्ये भूकंपाचे सौम्य धक्के जाणवले. याशिवाय चमोली, उत्तरकाशीची गंगेची खोरे, यमुना व्हॅली, पंजाबमधील मसुरी, मोगा, भटिंडा, मानसा, पठाणकोट, मुरादाबाद, सहारनपूर, शामली आणि उत्तर प्रदेशातील जयपूर येथे भूकंपाचे धक्के जाणवले.

भूकंप म्हणजे काय?

पृथ्वीच्या आत 7 टेक्टोनिक प्लेट्स आहेत. या प्लेट्स सतत फिरत राहतात. जेव्हा या प्लेट्स एकमेकांवर आदळतात, एकमेकांच्या वर चढतात किंवा दूर जातात तेव्हा जमीन थरथरायला लागते. याला भूकंप म्हणतात.

भूकंप कसा मोजला जातो?

भूकंप मोजण्यासाठी रिश्टर स्केलचा वापर केला जातो. ज्याला रिश्टर मॅग्निट्युड स्केल म्हणतात. रिश्टर मॅग्निट्यूड स्केल 1 ते 9 पर्यंत आहे. भूकंपाची तीव्रता त्याच्या केंद्रावरून म्हणजेच केंद्रबिंदूवरून मोजली जाते. म्हणजेच त्या केंद्रातून बाहेर पडणारी ऊर्जा या प्रमाणात मोजली जाते. 1 म्हणजे कमी तीव्रतेची ऊर्जा बाहेर येत आहे. 9 म्हणजे सर्वात कमाल, भयानक आणि विनाशकारी लहर. रिश्टर स्केलवर तीव्रता 7 दर्शविल्यास त्याच्या सभोवतालच्या 40 किलोमीटरच्या त्रिज्येत जोरदार धक्का बसतो.