Sri Lanka Inflation : श्रीलंकेत महागाईचा कडेलोट, टोमॅटो 200 रुपये किलो, मिरची 700 च्या पुढे, परकीय चलनसाठ्यातही मोठी घसरण


भारताचा शेजारी देश श्रीलंका दिवाळखोरीच्या उंबरठ्यावर पोहोचला आहे. श्रीलंकेत सध्या दैनंदिन खाद्यपदार्थांच्या किमतीत प्रचंड वाढ झाली आहे. येथे एका महिन्यात खाण्यापिण्याचे भाव १५ टक्क्यांनी महागले आहेत. 100 ग्रॅम मिरचीचा भाव 71 रुपयांवर पोहोचला आहे, म्हणजेच आता एक किलो मिरची 700 रुपयांपेक्षा जास्त दराने विकली जात आहे. मिरचीच्या दरात महिनाभरात 250 टक्‍क्‍यांनी वाढ झाली आहे. Sri Lanka Inflation tomatoes at Rs 200 per kg, chillies above Rs 700, foreign exchange also plummets


वृत्तसंस्था

कोलंबो : भारताचा शेजारी देश श्रीलंका दिवाळखोरीच्या उंबरठ्यावर पोहोचला आहे. श्रीलंकेत सध्या दैनंदिन खाद्यपदार्थांच्या किमतीत प्रचंड वाढ झाली आहे. येथे एका महिन्यात खाण्यापिण्याचे भाव १५ टक्क्यांनी महागले आहेत. 100 ग्रॅम मिरचीचा भाव 71 रुपयांवर पोहोचला आहे, म्हणजेच आता एक किलो मिरची 700 रुपयांपेक्षा जास्त दराने विकली जात आहे. मिरचीच्या दरात महिनाभरात 250 टक्‍क्‍यांनी वाढ झाली आहे.

भाज्यांच्या दरात वाढ झाल्याने सर्वसामान्यांच्या जनजीवनावर मोठा परिणाम झाला आहे. सुमारे 22 कोटी लोकसंख्या असलेला श्रीलंका सध्या इतिहासातील सर्वात मोठ्या आर्थिक संकटाचा सामना करत आहे. नोव्हेंबरच्या अखेरीस त्यांचा परकीय चलन साठा सुमारे 1.6 अब्ज डॉलर्स इतका घसरला होता, जो केवळ काही आठवड्यांच्या आयातीसाठी पुरणारा होता.

त्यामुळे सरकारला अनेक जीवनावश्यक वस्तूंच्या आयातीवर निर्बंध घालणे भाग पडले, त्यामुळे श्रीलंकेत अन्न आणि जीवनावश्यक वस्तूंचा तुटवडा वाढला आणि जीवनावश्यक वस्तू खूप महाग झाल्या.



श्रीलंकेत, गेल्या चार महिन्यांत, मानक LPG सिलिंडरच्या किमतीत सुमारे 85% वाढ झाल्याचा अंदाज आहे. श्रीलंकेत आयात न झाल्यामुळे दुधाच्या दरात मोठी वाढ झाली आहे. एका वृत्तसंस्थेनुसार, श्रीलंका आपल्या देशात मोठ्या प्रमाणात अन्नधान्यासाठी आयातीवर अवलंबून आहे, परंतु सध्या श्रीलंकेला परकीय चलनाच्या तुटवड्याचा सामना करावा लागत आहे. ज्याचा थेट परिणाम त्याच्या अन्नाच्या गरजांवर होताना दिसत आहे.

आर्थिक तज्ज्ञांच्या मते, 2019 मध्ये श्रीलंकेने पर्यटनातून सुमारे 4 अब्ज डॉलर्स कमावले, परंतु जागतिक महामारीमुळे हे क्षेत्र सुमारे 90% प्रभावित झाले आहे, ज्यामुळे अर्थव्यवस्थादेखील लक्षणीयरीत्या कमकुवत झाली आहे. एका वृत्तसंस्थेशी बोलताना 31 वर्षीय निलुका दिलरुक्षी सांगतात की, पूर्वी त्या आपल्या मुलांना दररोज मासे आणि भाज्या द्यायच्या. आता आम्ही त्यांना भातासोबत भाजी देत ​​आहोत. त्यांनी सांगितले की, पूर्वी आम्ही दिवसातून तीन वेळा खायचो पण आता कधी-कधी फक्त दोनदाच जेवायला मिळत आहे.

Sri Lanka Inflation tomatoes at Rs 200 per kg, chillies above Rs 700, foreign exchange also plummets

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात