एसटीएफ वाराणसी युनिटने बनावट कोविशील्ड, लस आणि बनावट कोविड टेस्टिंग किट बनवणाऱ्या टोळीचा पर्दाफाश केला आहे. या टोळीतील पाच जणांना एसटीएफने मंगळवारी लंका परिसरातील रोहित नगर येथून अटक केली आहे.Shocking Counterfeit covishield and covid test kit maker busted, five arrested, supplies in several states
वृत्तसंस्था
वाराणसी : एसटीएफ वाराणसी युनिटने बनावट कोविशील्ड, लस आणि बनावट कोविड टेस्टिंग किट बनवणाऱ्या टोळीचा पर्दाफाश केला आहे. या टोळीतील पाच जणांना एसटीएफने मंगळवारी लंका परिसरातील रोहित नगर येथून अटक केली आहे.
आरोपींच्या ताब्यातून मोठ्या प्रमाणात बनावट कोविड चाचणी किट, बनावट कोविशील्ड लस, बनावट झायकोव्ह डी लस, पॅकिंग मशीन, रिकामी कुपी, स्वॅब स्टिक इत्यादी जप्त करण्यात आल्या आहेत. मुद्देमालाची किंमत अंदाजे चार कोटी रुपये असल्याचे सांगण्यात येत आहे.
येथून तयार होणारी औषधे आणि किट विविध राज्यांना पुरवण्यात आली. एसटीएफ वाराणसी युनिटचे डेप्युटी एसपी विनोद कुमार यांच्या म्हणण्यानुसार, फील्ड युनिट टीमला बनावट कोविड किट आणि लसींबद्दल सतत माहिती मिळत होती. त्याआधारे लंका पोलिस ठाण्याच्या रोहित नगर कॉलनीतील एका फ्लॅटवर छापा टाकण्यात आला.
टोळीचे जाळे अनेक राज्यांत
राकेश थवानी, रा. सिद्धीगिरी बाग, संदीप शर्मा, रा. पठाणी टोला चौक, लक्ष्य जावा, रा. मालवीय नगर (नवी दिल्ली), समशेर रा. नागपूर रस्डा (बलिया) आणि अरुणेश विश्वकर्मा रा. बौलिया लहरतारा यांना अटक करण्यात आली. चौकशीत राकेश थवानी यांनी सांगितले की, संदीप शर्मा, अरुणेश विश्वकर्मा आणि समशेर यांच्यासोबत बनावट लसी आणि चाचणी किट बनवत असे.
लक्ष्य जावाला पुरवठा करायचा जो त्याच्या नेटवर्कद्वारे वेगवेगळ्या राज्यांना पुरवायचा. आरोपींची चौकशी करून त्यांच्या टोळीची माहिती गोळा करून कायदेशीर कारवाई करण्यात येत असल्याचे डेप्युटी एसपींनी सांगितले. जप्त केलेल्या औषधांची अंदाजे बाजारातील किंमत सुमारे 4 कोटी रुपये आहे.
To be published, comments must be reviewed by the administrator.*
Our website uses cookies to improve your experience. Learn more