"जॅकेटच्या खिशात हात आणि ताठर चेहरा"; राजदचे खासदार मनोज झा यांचा पंतप्रधान नरेंद्र मोदींवर वैयक्तिक वार |Reaching out does not mean hands in pockets, stiff face:RS MP Manoj Jha on govt's efforts to end Parliament logjam

“जॅकेटच्या खिशात हात आणि ताठर चेहरा”; राजदचे खासदार मनोज झा यांचा पंतप्रधान नरेंद्र मोदींवर वैयक्तिक वार

वृत्तसंस्था

पाटणा : पेगासस हेरगिरीपासून कृषी कायद्यांपर्यंत सर्व मुद्द्यांवर विरोधी पक्ष संसदेच्या कामकाजात अडथळा आणून लोकसभा आणि राज्यसभा दोन्ही बंद पाडत आहेत. तरी देखील विरोधकांशी संवाद साधण्यासाठी मोदी सरकारचे प्रयत्न सुरू आहेत. या प्रयत्नांवरून लालू प्रसाद यादव यांच्या राष्ट्रीय जनता दलाचे खासदार मनोज झा यांनी पंतप्रधान नरेंद्र मोदी यांच्यावर टीकास्त्र सोडले आहे.Reaching out does not mean hands in pockets, stiff face:RS MP Manoj Jha on govt’s efforts to end Parliament logjam

ते म्हणाले की, जॅकेटच्या खिशात हात घालून आणि ताठर चेहरा ठेवून विरोधकांना समोरे जाणे म्हणजे विरोधकांशी चर्चा करणे नव्हे. मोदी सरकारला विरोधकांशी खरी चर्चाच करायची नाही. त्यांना आपला अजेंडा पुढे रेटून न्यायचा आहे. म्हणून ते विरोधकांशी चर्चा करण्याचे नाटक वठवत आहेत, अशी टीका मनोज झा यांनी केली.

विरोधकांच्या आरोपांच्या कोल्हेकुईनंतरही कोरोना उपाययोजनेत ७४ टक्के लोक पंतप्रधान नरेंद्र मोदींवर समाधानी

मोदी सरकार मधील मंत्री राजनाथ सिंग, प्रल्हाद जोशी आदी नेते काँग्रेससह अन्य विरोधी पक्षांच्या खासदारांच्या संपर्कात आहेत. पेगासस हेरगिरी, कृषी कायदे यांच्यासह सर्व मुद्द्यांवर संसदेच्या दोन्ही सभागृहांमध्ये चर्चेची सरकारने तयारी दाखविली आहे. केंद्रीय कृषिमंत्री नरेंद्र सिंग तोमर यांनी लोकसभेत शेती संदर्भातील चार तास झालेल्या चर्चेला सविस्तर उत्तर दिले.

Realised my unfinished dream today after 37 years. Thank you my son @Neeraj_chopra1 🇮🇳🥇#Tokyo2020 pic.twitter.com/CeDBYK9kO9

— P.T. USHA (@PTUshaOfficial) August 7, 2021

यात त्यांनी कृषी कायद्यासंदर्भात सर्व प्रकारची चर्चा करण्याची सरकारची तयारी असल्याचे नमूद केले. विरोधी पक्ष आणि शेतकरी आंदोलक सरकारशी चर्चेसाठी पुढे येत नाहीत. ते फक्त संसदेत गोंधळ घालून संसदेबाहेर सरकारवर आरोप करत राहतात, अशी टीका नरेंद्र सिंग तोमर यांनी केली होती.

मनोज झा यांनी मात्र पंतप्रधान नरेंद्र मोदी यांच्यावर “जॅकेटच्या खिशात हात आणि ताठर चेहरा”, अशी वैयक्तिक टीका करून संसदेतल्या कामकाजाला वेगळे वळण लावण्याचा प्रयत्न केला आहे.