राहुल गांधी यांच्याकडून विरोधी पक्षातील खासदारांना नाश्त्याचे आमंत्रण, संसदेबाहेर अधिवेशन चालवण्याच्या तयारीत विरोधक । Rahul Gandhi sent an invitation to the opposition MPs for breakfast, the opposition in preparation for the session outside the Parliament

राहुल गांधी यांच्याकडून विरोधी पक्षातील खासदारांना नाश्त्याचे आमंत्रण, संसदेबाहेर अधिवेशन चालवण्याच्या तयारीत विरोधक

Rahul Gandhi sent an invitation to the opposition MPs for breakfast, the opposition in preparation for the session outside the Parliament

Rahul Gandhi : संसदेच्या सध्या सुरू असलेल्या पावसाळी अधिवेशनात प्रचंड गोंधळ उडत आहे. विशेषतः विरोधी पक्ष सरकारला पेगासस हेरगिरी वाद आणि शेतकऱ्यांच्या प्रश्नावर पूर्ण ताकदीने घेराव घालत आहे. संसदेत गोंधळ सुरू आहे, यामुळे कामकाज व्यवस्थित होत नाही. आता बातम्या येत आहेत की विरोधक संसदेच्या बाहेर समांतर संसद अधिवेशन चालवण्याच्या मन:स्थितीत आहेत. Rahul Gandhi sent an invitation to the opposition MPs for breakfast, the opposition in preparation for the session outside the Parliament

विशेष प्रतिनिधी

नवी दिल्ली : संसदेच्या सध्या सुरू असलेल्या पावसाळी अधिवेशनात प्रचंड गोंधळ उडत आहे. विशेषतः विरोधी पक्ष सरकारला पेगासस हेरगिरी वाद आणि शेतकऱ्यांच्या प्रश्नावर पूर्ण ताकदीने घेराव घालत आहे. संसदेत गोंधळ सुरू आहे, यामुळे कामकाज व्यवस्थित होत नाही. आता बातम्या येत आहेत की विरोधक संसदेच्या बाहेर समांतर संसद अधिवेशन चालवण्याच्या मन:स्थितीत आहेत. अशा प्रस्तावाची माहिती विरोधी पक्षाशी संबंधित सूत्रांकडून प्राप्त झाली आहे. सर्वात महत्त्वाची गोष्ट म्हणजे या प्रस्तावावर काँग्रेस खासदार राहुल गांधी यांच्यासोबत झालेल्या बैठकीत चर्चा होईल.

राहुल गांधींकडून नाश्त्याचे आमंत्रण

राहुल गांधी यांनी मंगळवारी सकाळी 9.30 वाजता विरोधी पक्षाच्या नेत्यांना दिल्लीतील कॉन्स्टिट्यूशन क्लबमध्ये विरोधी पक्षातील खासदारांना नाश्त्यासाठी बोलावले आहे. दोन्ही सभागृहांच्या विरोधी पक्षांच्या तळमळीच्या नेत्यांना येथे बोलावण्यात आले आहे. असे सांगितले जात आहे की, राहुल गांधी यांनी हा पुढाकार विरोधकांना एकत्र करण्यासाठी आणि संसदेत पुढील रणनीती आखण्यासाठी घेतला आहे.

राहुल गांधींनी सर्व विरोधी पक्षांच्या नेत्यांना बोलावले आहे. तृणमूल काँग्रेसलाही आमंत्रण पाठवण्यात आले आहे. टीएमसीदेखील या चर्चेत सहभागी होईल.

दरम्यान, राहुल गांधींनी पुन्हा एकदा विरोधकांना एकत्र करण्याचा प्रयत्न केला आहे. राहुल गांधी दोन वेळा विरोधी पक्षांच्या बैठकीत सहभागी झाले आहेत. त्यांनी विजय चौकात विरोधी नेत्यांसोबत पत्रकार परिषद घेतली आणि आता ते कॉन्स्टिट्यूशन क्लबमध्ये विरोधी नेत्यांसोबत नाश्त्याच्या निमित्ताने चर्चा करतील.

सध्याचे संसदेचे अधिवेशन 19 जुलैपासून सुरू आहे. या अधिवेशनात कामकाज कमी पण गोंधळच जास्त झालेला आहे. विरोधक शेतीशी संबंधित तिन्ही कायदे मागे घेण्याची मागणी करत आहेत आणि पेगासस हेरगिरी घोटाळ्यावर सरकारशी चर्चा करण्याची मागणीही उपस्थित करत आहेत. दोन्ही मुद्द्यांवर दररोज सभागृहात गोंधळ सुरू आहे आणि कामकाज सातत्याने तहकूब केले जात आहे.

सरकार आपल्या मर्जीनुसार विधेयक संमत करू इच्छित आहे आणि महागाई, पेगासस किंवा कृषी कायदा यासारख्या मुद्द्यांपासून पळ काढत आहे, असा विरोधकांचा आरोप आहे. या गदारोळाच्या दरम्यान विरोधी पक्ष आता संसदेबाहेर समांतर अधिवेशन चालवण्याच्या विचारात असल्याची बातमी समोर आली आहे.

Rahul Gandhi sent an invitation to the opposition MPs for breakfast, the opposition in preparation for the session outside the Parliament

महत्त्वाच्या बातम्या