Punjab Election 2022 : पंजाबमध्ये विधानसभेच्या 117 जागांसाठी एकाच टप्प्यात निवडणूक, 14 फेब्रुवारीला मतदान, वाचा सविस्तर..

By, shreekant patil - January 8, 2022 06:05:18

0

Punjab Election 2022 Single Phase election for 117 Assembly seats in Punjab, polling on February 14, read more

Punjab Election 2022 : कोरोनाच्या काळात होत असलेल्या पंजाब विधानसभेच्या निवडणुका एकाच टप्प्यात होणार आहेत. निवडणूक आयोगाने शनिवारी पंजाब निवडणुकीच्या तारखा जाहीर केल्या. निवडणूक आयोगाच्या म्हणण्यानुसार, 14 फेब्रुवारी रोजी पंजाबमधील सर्व 117 जागांवर एकाच टप्प्यात मतदान होणार आहे. 10 मार्च रोजी मतमोजणी झाल्यानंतर राज्याचे निकाल जाहीर होतील. निवडणुकीच्या तारखा जाहीर होताच राज्यात आदर्श आचारसंहिता लागू झाली आहे. कोरोनाच्या मार्गदर्शक सूचनांबाबतही विशेष सूचना देण्यात आल्या आहेत. Punjab Election 2022 Single Phase election for 117 Assembly seats in Punjab, polling on February 14, read more

वृत्तसंस्था

चंदिगड : कोरोनाच्या काळात होत असलेल्या पंजाब विधानसभेच्या निवडणुका एकाच टप्प्यात होणार आहेत. निवडणूक आयोगाने शनिवारी पंजाब निवडणुकीच्या तारखा जाहीर केल्या. निवडणूक आयोगाच्या म्हणण्यानुसार, 14 फेब्रुवारी रोजी पंजाबमधील सर्व 117 जागांवर एकाच टप्प्यात मतदान होणार आहे. 10 मार्च रोजी मतमोजणी झाल्यानंतर राज्याचे निकाल जाहीर होतील. निवडणुकीच्या तारखा जाहीर होताच राज्यात आदर्श आचारसंहिता लागू झाली आहे. कोरोनाच्या मार्गदर्शक सूचनांबाबतही विशेष सूचना देण्यात आल्या आहेत.

सभा – रोड शोवर बंदी

कोरोनाच्या पार्श्वभूमीवर निवडणूक आयोगाने सभा, रोड शो, पदयात्रा यांसारख्या प्रचाराच्या पद्धतींवर बंदी घातली आहे. 15 जानेवारीपर्यंत प्रत्यक्ष प्रचारावर बंदी असेल, त्यानंतर परिस्थितीचा आढावा घेऊन निर्णय घेतला जाईल, असे आयोगाने म्हटले आहे. मात्र, या कालावधीत ऑनलाइन प्रमोशन सुरू राहणार आहे.

27 मार्चला संपतोय पंजाब विधानसभेचा कार्यकाळ

पंजाब मुख्यत्वे मांझा, माळवा आणि दोआब या तीन प्रदेशांमध्ये विभागला गेला आहे. राज्यात विधानसभेच्या सर्वाधिक ६९ जागा माळव्यात आहेत. ज्याने माळवा जिंकला, त्याचे सरकार पंजाबमध्ये बनते, असे म्हणतात. पंजाब विधानसभेचा कार्यकाळ २७ मार्च २०२२ रोजी संपत आहे. 117 जागा असलेल्या पंजाबमध्ये 2017 च्या विधानसभा निवडणुकीत काँग्रेस 77 जागा जिंकून दहा वर्षांनी सत्तेत परतली. तर शिरोमणी अकाली दल-भाजप युती अवघ्या १८ जागांवर घसरली.

पंजाबच्या निवडणुकीत आप, कॅप्टनच्या कामगिरीकडे लक्ष

अरविंद केजरीवाल यांचा आम आदमी पक्ष 20 जागा जिंकून मुख्य विरोधी पक्षाच्या भूमिकेत आहे. कॅप्टन अमरिंदर सिंग मुख्यमंत्री होते, पण तब्बल चार वर्षांच्या वादानंतर काँग्रेसने कॅप्टन अमरिंदर यांची जागा काढून घेतली आणि चरणजीत सिंग चन्नी यांना मुख्यमंत्री केले. अमरिंदर सिंग वेगळा पक्ष स्थापन करून निवडणुकीच्या रिंगणात उतरण्याच्या तयारीत आहेत. त्यानंतर येथील समीकरण खूप बदलले आहे. पंजाबमध्ये सरकार स्थापन करण्यासाठी कोणत्याही पक्षाला किंवा आघाडीला ५९ जागा जिंकायच्या आहेत. यावेळी शेतकरी आंदोलनही पंजाबची सत्ता ठरवण्यातही महत्त्वाची भूमिका बजावू शकते.