लाइव्ह टीव्हीवर शोएब अख्तरचा घोर अपमान, पाकिस्तानी टीव्ही अँकर संतापला, शो सोडण्यास सांगितले

By, Vishal Joshi - October 27, 2021 12:30:51

0

आयसीसी टी-२० विश्वचषक स्पर्धेत पाकिस्तान क्रिकेट संघ ज्या प्रकारचा फॉर्म दाखवत आहे, त्यामुळे या संघाचे कौतुकच झाले आहे. या संघाने आपल्या पहिल्याच सामन्यात भारताचा पराभव करत इतिहास रचला. विश्वचषकात पाकिस्तानकडून भारताचा हा पहिला पराभव आहे. यानंतर संघाने दुसऱ्या सामन्यातही आपला उत्कृष्ट फॉर्म कायम ठेवत न्यूझीलंडचा पराभव केला. पण याच दरम्यान पाकिस्तानच्या एका माजी वेगवान गोलंदाजाला टीव्हीवर अपमानाला सामोरे जावे लागले आहे. शोएब अख्तर असे या माजी खेळाडूचे नाव आहे. Ptv anchor insulted shoaib akhtar on national televesion then he leaves the show Watch Video

वृत्तसंस्था

इस्लामाबाद : आयसीसी टी-२० विश्वचषक स्पर्धेत पाकिस्तान क्रिकेट संघ ज्या प्रकारचा फॉर्म दाखवत आहे, त्यामुळे या संघाचे कौतुकच झाले आहे. या संघाने आपल्या पहिल्याच सामन्यात भारताचा पराभव करत इतिहास रचला. विश्वचषकात पाकिस्तानकडून भारताचा हा पहिला पराभव आहे. यानंतर संघाने दुसऱ्या सामन्यातही आपला उत्कृष्ट फॉर्म कायम ठेवत न्यूझीलंडचा पराभव केला. पण याच दरम्यान पाकिस्तानच्या एका माजी वेगवान गोलंदाजाला टीव्हीवर अपमानाला सामोरे जावे लागले आहे. शोएब अख्तर असे या माजी खेळाडूचे नाव आहे. पाकिस्तानच्या न्यूझीलंड सामन्यानंतर पाकिस्तानच्या पीटीव्ही वृत्तवाहिनीवरील कार्यक्रमात तो सहभागी झाला होता. शोच्या मध्येच अँकरने अख्तरचा अपमान केला. या शोमध्ये वेस्ट इंडिजचा अनुभवी फलंदाज विवियन रिचर्ड्सही बसला होता आणि पाकिस्तानचे अनेक माजी खेळाडूही सहभागी झाले होते.

Dr Nauman Niaz and Shoaib Akhtar had a harsh exchange of words during live PTV transmission. pic.twitter.com/nE0OhhtjIm

— Kamran Malik (@Kamran_KIMS) October 26, 2021

‘गेम ऑन है’ असे या शोचे नाव आहे. या शोमध्ये चर्चेदरम्यान अख्तरने पाकिस्तानचे दोन गोलंदाज शाहीन शाह आफ्रिदी आणि हॅरिस रौफ यांचे कौतुक केले. यामध्ये त्याने सांगितले की, हे दोघेही पाकिस्तान सुपर लीग संघ लाहोर कलंदर्सच्या संघातून आले आहेत. दरम्यान, शोचे होस्ट नौमान नियाज यांनी अख्तरला रोखले आणि सांगितले की “शाहीन पाकिस्तानच्या अंडर-19 संघासाठी खेळला आहे.” दरम्यान, अख्तर म्हणाले की, मी हॅरिस रौफबद्दल बोलत आहे. अख्तरचे हे बोलणे नियाजला आवडले नाही आणि त्याने अख्तरला फटकारले, नियाज म्हणाला, “तुम्ही जरा उद्धटपणे बोलत आहात. मला हे म्हणायचे नाही पण जर तुम्हाला ओव्हरस्मार्ट व्हायचे असेल तर तुम्ही हा शो सोडू शकता. हे मी तुम्हाला ऑन एअर सांगत आहे.”

अख्तरला धक्काच बसला

अख्तरला हे सांगितल्यानंतर नियाज दुसरीकडे वळला आणि दुसऱ्या पाहुण्याला प्रश्न विचारणार होता, पण तोपर्यंत अख्तर चकित होऊन बाहेर आला. तो म्हणाला, “माफ करा, मला माफ करा.” नियाज इथेच थांबला आणि ब्रेक घेण्याबाबत बोलला.

पाकिस्तानी क्रिकेटर चिडला : न्यूझीलंड आणि इंग्लंड दौरा रद्द केल्याबद्दल शाहिद आफ्रिदी संतापला, म्हणाला – शिक्षित देशांनी भारताचे अनुसरण करू नये

ब्रेकनंतर परत

ब्रेकनंतर शो पुन्हा सुरू झाला. यादरम्यान अख्तर यांनी हे प्रकरण मिटवण्याचा आणि हाताळण्याचा प्रयत्न केला पण त्यात तो अपयशी ठरला. त्यानंतर त्याने शो सोडण्याचा निर्णय घेतला. बीबीसीच्या वृत्तानुसार, शोएबने त्याचा माईक काढला आणि म्हणाला, मला खूप वाईट वाटलं. मी PTV मधून राजीनामा देत आहे. नॅशनल टीव्हीवर माझ्याशी ज्याप्रकारे वागणूक दिली गेली, त्यानंतर मला असे वाटते की आता नको. म्हणूनच मी इथून निघत आहे. धन्यवाद.”

शोएबने जारी केला व्हिडिओ

Multiple clips are circulating on social media so I thought I shud clarify. pic.twitter.com/ob8cnbvf90

— Shoaib Akhtar (@shoaib100mph) October 26, 2021

यानंतर अख्तरने एक व्हिडिओ जारी करून आपली बाजू मांडली. तो त्याच्या व्हिडिओमध्ये म्हणाला, “आज एक वाईट गोष्ट घडली, नोमानने वाईट वागणूक दिली. त्याने असे का केले हे मला माहीत नाही. मग तो ब्रेकवर गेला. नॅशनल टीव्हीवर त्याने नॅशनल स्टारचा अपमान केला. सर्व सुपरस्टार बसले आहेत आणि परदेशीही आहेत हे मला जाणवले. मी पुन्हा नोमनला म्हणालो की, तू माझ्यासोबत जे काही करत आहेस ते व्हायरल होईल, त्यावर उपाय नाही. मी म्हणालो शो पूर्ण कर, म्हणजे वाईट संदेश जाणार नाही. मी त्याला मला सॉरी म्हणायला सांगितले, पण त्याने तसे केले नाही आणि मग मला वाटले की मी निघून जावे.”