pm modi congratulates noida dm suhas yathiraj clinches silver in men singles sl4 class badminton in tokyo paralympic

नोएडाचे जिल्हाधिकारी सुहास यांनी टोकियो पॅरालिम्पिकमध्ये जिंकले रौप्य, पीएम मोदी म्हणाले – सेवा आणि खेळाचा अद्भुत संगम!

PM Modi Congratulates Noida DM Suhas Yathiraj : टोकियो पॅरालिम्पिकमध्ये नोएडाचे जिल्हाधिकारी सुहास एल. यथिराज यांनी बॅडमिंटन पुरुष एकेरी SL4 मध्ये रौप्य पदक जिंकले आहे. अशा प्रकारे पॅरालिम्पिकमध्ये पदक जिंकणारे ते पहिले आयएएस अधिकारी बनले आहेत. पंतप्रधान नरेंद्र मोदींनी त्यांच्यासोबतचे सुहास यांचे छायाचित्र शेअर करून त्यांचे अभिनंदन केले आहे. pm modi congratulates noida dm suhas yathiraj clinches silver in men singles sl4 class badminton in tokyo paralympic


विशेष प्रतिनिधी

नवी दिल्ली : टोकियो पॅरालिम्पिकमध्ये नोएडाचे जिल्हाधिकारी सुहास एल. यथिराज यांनी बॅडमिंटन पुरुष एकेरी SL4 मध्ये रौप्य पदक जिंकले आहे. अशा प्रकारे पॅरालिम्पिकमध्ये पदक जिंकणारे ते पहिले आयएएस अधिकारी बनले आहेत. पंतप्रधान नरेंद्र मोदींनी त्यांच्यासोबतचे सुहास यांचे छायाचित्र शेअर करून त्यांचे अभिनंदन केले आहे.

पीएम मोदींनी ट्वीटमध्ये लिहिले, “सेवा आणि खेळ यांचा एक अद्भुत मिलाफ! सुहास यथिराज यांनी आपल्या विलक्षण खेळामुळे आपल्या संपूर्ण देशाला आनंदित केले. बॅडमिंटनमध्ये रौप्य पदक जिंकल्याबद्दल त्यांचे अभिनंदन. त्यांच्या भावी प्रयत्नांसाठी त्यांना शुभेच्छा.”


Tokyo Paralympics : टोकियोत भारतीय कलेक्टरची कमाल, मेडल पक्के; जाणून घ्या कोण आहेत सुहास यथिराज!


राष्ट्रपती रामनाथ कोविंद यांनीही ट्वीट करून टोकियो पॅरालिम्पिकमध्ये बॅडमिंटन पुरुष एकेरी एसएल 4 मध्ये रौप्य पदक जिंकल्याबद्दल नोएडाचे जिल्हाधिकारी सुहास यांचे अभिनंदन केले. राष्ट्रपतींनी लिहिले, “सुहास यथिराज यांचे अभिनंदन ज्यांनी पॅरालिम्पिकमध्ये कडवी झुंज दिली आणि बॅडमिंटनमध्ये रौप्य पदक जिंकले. सिव्हिल सेवक म्हणून आपले कर्तव्य बजावत असताना खेळ पुढे नेण्यात तुमचे समर्पण विलक्षण आहे. भविष्यासाठी शुभेच्छा.”

त्याचवेळी, उत्तर प्रदेशचे मुख्यमंत्री योगी आदित्यनाथ म्हणाले, “मी पॅरालिम्पिकमध्ये रौप्य पदक जिंकल्याबद्दल नोएडाचे डीएम सुहास एल. यथिराज यांचे अभिनंदन करतो. मला आनंद आहे की, त्यांच्या प्रशासकीय जबाबदाऱ्या कुशलतेने पार पाडण्याबरोबरच त्यांनी पॅरालिम्पिकमध्येही भाग घेतला आहे आणि मोठे यश मिळवले आहे.”

पॅरालिम्पिकमध्ये पदक जिंकणारे पहिले IAS अधिकारी

टोकियो पॅरालिम्पिकच्या पुरुष एकेरी एसएल 4 वर्ग बॅडमिंटन स्पर्धेतील अंतिम मानांकित लढतीत फ्रान्सच्या अव्वल मानांकित लुकास माजूरकडून पराभूत होऊन ऐतिहासिक रौप्यपदक त्यांनी जिंकले. नोएडाचे जिल्हाधिकारी सुहास (38), दोन वेळा विश्वविजेता राहिलेल्या लुकासकडून 62 मिनिटांच्या अंतिम लढतीत 21-15 17-21 15-21 असे पराभूत झाले. युरोपियन चॅम्पियनशिपमध्ये तीन सुवर्णपदके असलेल्या लुकासकउून गट अ पात्रता फेरीतही सुहास पराभूत झाले होते.

pm modi congratulates noida dm suhas yathiraj clinches silver in men singles sl4 class badminton in tokyo paralympic

महत्त्वाच्या बातम्या