नितीन गडकरी यांचा लोकसभेत ‘स्पायडरमॅन’ असा उल्लेख

By, Sachin Deshmukh - March 21, 2022 07:50:32

0

विशेष प्रतिनिधी

नवी दिल्ली : देशात रस्त्यांचे जाळे जलदगतीने टाकल्याबद्दल विरोधकांनीही मोदी सरकारचे मंत्री नितीन गडकरी यांचे कौतुक केले आहे. आता भाजप खासदार, अरुणाचल प्रदेशचे लोकसभा सदस्य तापीर गाओ यांनी त्यांना ‘स्पायडरमॅन’ म्हटले आहे. त्याच वेळी, काँग्रेस आणि इतर काही विरोधी पक्षांनी लोकसभेत रस्ते सुरक्षेवर विशेष लक्ष देण्याची आणि अपघातांना आळा घालण्याच्या दिशेने ठोस पावले उचलण्याची मागणी केली. Nitin Gadkari referred to as ‘Spiderman’ in Lok Sabha

लोकसभेत २०२२-२३ या वर्षासाठी रस्ते वाहतूक आणि महामार्ग मंत्रालयासाठी नियंत्रणाखालील अनुदानाच्या मागण्यांवरील चर्चेदरम्यान या गोष्टी घडल्या.चर्चेत भाग घेत गाओ यांनी सांगितले की, ‘मी नितीन गडकरी यांचे नाव स्पायडरमॅन असे ठेवले आहे. कारण कोळी जाळे घालतो तसे त्यांनी रस्त्यांचे जाळे विणले आहे.

गोव्यानंतर महाराष्ट्रात एकहाती सत्ता आणणार; नितीन गडकरी अन् देवेंद्र फडणवीसांचा निर्धार

मोदी सरकार आल्यानंतर चीनच्या सीमेजवळ रस्ते बांधणीचे काम वेगाने सुरू आहे. आपल्या राज्यात अनेक रस्त्यांच्या बांधकामाचा संदर्भ देत म्हणाले, “मोदी है तो मुमकीन है, गडकरी है तो मुमकीन है.” “मला आशा आहे की स्पायडर-मॅन त्याच्या बांधणीच्या गतीने रस्ते बांधत राहील. देश आणि ईशान्य अशाच पुढे जात राहतील.”

रस्ते सुरक्षेवर चर्चा काँग्रेसचे एम के विष्णू प्रसाद म्हणाले की, रस्ते बांधणीत पूर्वीच्या काँग्रेस सरकारांनी केलेल्या कामामुळे आज भारत रस्त्यांच्या बाबतीत जगात दुसऱ्या क्रमांकावर आहे. ते म्हणाले की, रस्त्यांच्या गुणवत्तेत जर्मनी पहिल्या क्रमांकावर आहे, मात्र भारत 44 व्या क्रमांकावर आहे. सरकार रस्त्यांच्या दर्जाकडे पूर्ण लक्ष देत नाही. प्रसाद म्हणाले, “दिलेल्या बजेटपैकी फक्त दोन टक्के रक्कम रस्ता सुरक्षेवर खर्च केली जात आहे, तर अमेरिकेत बजेटच्या सहा टक्के खर्च होत आहे.” सरकारने रस्ता सुरक्षेकडे गांभीर्याने लक्ष द्यावे, असे आवाहन त्यांनी केले.

विरोधकांनी विचारलेल्या प्रश्नांवर बुधवारी लोकसभेत सुरू झालेल्या चर्चेला पुढे चालू ठेवत वायएसआर काँग्रेसचे एम. भरत म्हणाले की आंध्र प्रदेश पुनर्रचना कायदा अमरावती आणि हैदराबाद यांच्यातील रस्ते संपर्क वाढविण्यावर भर देतो. अशा परिस्थितीत यात काय प्रगती झाली, हे सरकारने सांगावे. त्याचवेळी समाजवादी पक्षाचे एस टी हसन यांनी मुरादाबादमधून जाणाऱ्या काही महामार्गांच्या अपूर्ण कामांचा उल्लेख केला.

चर्चेत भाग घेताना जनता दलचे (युनायटेड) चंदेश्वर प्रसाद म्हणाले की, रस्ते अपघातातील मृत्यूंमुळे देशाचा जीडीपीच्या तीन टक्के नुकसान होत आहे. अपघात रोखण्यासाठी मंत्रालयाने अधिक प्रभावी पावले उचलावीत.