गोरखनाथ मंदिरावर हल्ला करणारा मुर्तझा एटीएसला म्हणाला- जन्नतमध्ये तर हूर मिळतील, तिथे बायकोचे काय काम! अल्लाहकडे जायचे असेल तर सर्व सोडावे लागेल|Murtaza, who attacked the Gorakhnath temple, told ATS If you want to go to Allah, you have to give up everything

गोरखनाथ मंदिरावर हल्ला करणारा मुर्तझा एटीएसला म्हणाला- जन्नतमध्ये तर हूर मिळतील, तिथे बायकोचे काय काम! अल्लाहकडे जायचे असेल तर सर्व सोडावे लागेल

गोरखनाथ मंदिरावर हल्ला करणारा मुर्तझा अब्बासी हे अद्याप एक गूढच बनलेला आहे. मुर्तझाचे वडील तो मानसिकदृष्ट्या आजारी असल्याचे सिद्ध करण्याचा प्रयत्न करत आहेत, मात्र तो खूप हुशार असल्याचे एटीएसचे मत आहे. आयआयटी-मुंबईतून केमिकल इंजिनिअरिंग करणाऱ्या मुर्तझाची या घटनेच्या 8 दिवसांनंतर रविवारी NIA (नॅशनल इन्व्हेस्टिगेशन एजन्सी) चौकशी करणार आहे. एनआयएच्या तीन अधिकाऱ्यांचे पथक शनिवारी लखनऊला पोहोचले होते.Murtaza, who attacked the Gorakhnath temple, told ATS If you want to go to Allah, you have to give up everything

वृत्तसंस्था

लखनऊ : गोरखनाथ मंदिरावर हल्ला करणारा मुर्तझा अब्बासी हे अद्याप एक गूढच बनलेला आहे. मुर्तझाचे वडील तो मानसिकदृष्ट्या आजारी असल्याचे सिद्ध करण्याचा प्रयत्न करत आहेत, मात्र तो खूप हुशार असल्याचे एटीएसचे मत आहे. आयआयटी-मुंबईतून केमिकल इंजिनिअरिंग करणाऱ्या मुर्तझाची या घटनेच्या 8 दिवसांनंतर रविवारी NIA (नॅशनल इन्व्हेस्टिगेशन एजन्सी) चौकशी करणार आहे. एनआयएच्या तीन अधिकाऱ्यांचे पथक शनिवारी लखनऊला पोहोचले होते.

एटीएसच्या चौकशीत मुर्तझाने आतापर्यंत ज्या प्रश्नांची उत्तरे दिली आहेत, त्यावरून तो खोटे बोलत नसल्याचे दिसते. त्यामुळे एटीएसला अंतिम निर्णयापर्यंत पोहोचणे कठीण होत आहे.

मुर्तझा अब्बासी झाकीर नाईकचा फॉलोअर; गोरखनाथ मंदिर हल्ला प्रकरणातील आरोपी

फक्त अल्लाहचे ऐका, तुम्हाला जन्नत मिळेल

सूत्रांचे म्हणणे आहे की, जेव्हा मुर्तझाला लग्न आणि नंतर घटस्फोटाबद्दल विचारण्यात आले तेव्हा तो म्हणाली – अल्लाहच्या घरात म्हणजेच जन्नतमध्ये अनेक हुर मिळतील. तिथे बायकोचं काम काय? अल्लाहच्या घरी जायचे असेल तर सगळ्यांना सोडावे लागेल. मल्टिनॅशनल कंपनीची नोकरी सोडून गोरखपूरला आलेला मुर्तझाने कुटुंबाची, समाजाची कोणाचीही पर्वा न करता खोलीत एकटा राहत होता. त्या प्रश्नांवर मुर्तझाने अल्लाहच्या घरात फक्त अल्लाचेच ऐका, सांगितलेल्या मार्गावर चालत जा, तरच जन्नत मिळेल, असे उद्गार काढले.

दरम्यान, मुर्तझाचे वडील आणि सुप्रसिद्ध डॉक्टर केए अब्बासी यांना एटीएसने लखनऊला चौकशीसाठी आणि त्यांचा जबाब नोंदवण्यासाठी बोलावले होते, पण ते गेले नाहीत. त्यांनी एटीएस मुख्यालयाला ईमेल पाठवून नोटीसला उत्तर दिले आहे. कलम-160 सीआरपीसीचा संदर्भ देत त्यांनी सांगितले की त्यांचे वय 60 वर्षांपेक्षा जास्त आहे. अशा परिस्थितीत ते लखनऊला जाऊन त्यांचे म्हणणे नोंदवण्यास असमर्थ आहेत. यानंतर ते गोरखपूर येथील एटीएस कार्यालयात जबाब नोंदवण्यासाठी पोहोचले, मात्र येथे संबंधित अधिकारी अनुपस्थित असल्याने त्यांचा जबाब तेव्हा नोंदवता आला नव्हता.

एटीएस करतेय सखोल तपास

एटीएसचे पथक या प्रकरणाचे पदर उलगडून त्याच्या तळापर्यंत जाण्याचा प्रयत्न करत आहे. त्यामुळेच एटीएस पीजीआय आणि केजीएमयू सारख्या संस्थांच्या डॉक्टरांच्या पॅनेल बोर्डाकडून मुर्तजाची वैद्यकीय तपासणी करण्याची तयारी करत आहे, जेणेकरून एवढ्या मोठ्या घटनेमागचे खरे कारण काय आहे आणि त्यात कट आहे का, हे स्पष्ट होईल. सध्या एटीएस त्याची बँक खाती ब्लॉक करून त्याचे सर्व व्यवहार तपासले जात आहेत.

मुर्तझाने ऑनलाइन घेतली जिहादची शपथ

मुर्तजाचे पैसे आयसीआयसीआय, फेडरल आणि एचडीएफसी बँकांमधील तीन खात्यांमध्ये होते. त्याच्याकडे आयसीआयसीआय बँकेचे क्रेडिट कार्डही होते. एवढेच नाही तर आधी मुर्तझा सीरियातील एका तरुणीच्या संपर्कात असल्याची माहिती मिळाली होती. अनेक वेळा त्याने आपल्या या मैत्रिणीला ऑनलाइन पैसे ट्रान्सफर केले आणि जिहादची ऑनलाइन शपथही घेतली होती.