साहेब जादे जोरावर सिंग, फतेह सिंग यांचा शहीद दिवस 26 डिसेंबर यापुढे वीर बाल दिवस म्हणून साजरा होणार!!

By, Vishal Joshi - January 9, 2022 02:21:12

0

विशेष प्रतिनिधी

नवी दिल्ली : साहेब जादे जोरावर सिंग आणि फतेह सिंग यांचा शहीद दिवस 26 डिसेंबर यापुढे देशभर वीर बाल दिवस म्हणून साजरे करण्यात येईल, अशी घोषणा पंतप्रधान नरेंद्र मोदी यांनी आज केली आहे. Martyr’s Day of Saheb Jade Jorawar Singh, Fateh Singh December 26 will be celebrated as Veer Bal Diwas !!

शीख गुरु गोविंद सिंग यांच्या प्रकाश पर्व दिनानिमित्त पंतप्रधानांनी त्यांना नमन करताना ही घोषणा केली आहे. साहेब जादे जोरावर सिंग आणि फतेह सिंग हे गुरुगोविंद सिंग यांच्या चार सुपुत्रांपैकी तिसरे आणि चौथे पुत्र औरंगजेबाच्या मुघल सल्तनतीशी लढताना शीख समाजाने जे शौर्य दाखवले या शौर्यामध्ये गुरु गोविंद सिंग यांचे स्थान ध्रुव ताऱ्याप्रमाणे आढळ आहे. त्यातही त्यांचे चारही पुत्र औरंगजेबाच्या मुघल सल्तनतीशी लढताना शहीद झाले. ही शहीदी संपूर्ण देशासाठी आणि शीख समाजासाठी अतिशय प्रेरणादायी आहे.

‘Veer Baal Diwas’ will be on the same day Sahibzada Zorawar Singh Ji and Sahibzada Fateh Singh Ji attained martyrdom after being sealed alive in a wall. These two greats preferred death instead of deviating from the noble principles of Dharma.

— Narendra Modi (@narendramodi) January 9, 2022

औरंगजेबासारखा क्रूरकर्माने गुरु गोविंद सिंग आणि त्यांच्या मुलांवर धर्मांतराची सक्ती केली परंतु त्या सक्तीला न जुमानता त्यांनी हौतात्म्य पत्करले. साहेब जादे जोरावर सिंग आणि फतेह सिंग या दोघांनाही मुघल सैनिकांनी औरंगजेबाच्या आदेशानुसार भिंतीत चिणून मारले. परंतु त्यांनी आपला पवित्र शीख धर्म सोडला नाही आणि ते धर्मांतर करून मुसलमान बनले नाहीत. हे त्यांचे सर्वोच्च बलिदान आहे. या बलिदानाचा सन्मान करण्यासाठीच पंतप्रधान नरेंद्र मोदी यांनी 26 डिसेंबर यापुढे वीर बाल दिवस म्हणून साजरा करण्याचे जाहीर केले आहे.

साहेब जादे यांची वीरगाथा

साहेब जादे जोरावर सिंग आणि फतेह सिंग यांच्या बलिदानाचा अनेक गाथा पंजाब मध्ये लोककथा, लोकगीते या स्वरूपात सादर करण्यात येतात. जोरावर सिंग हे फतेहसिंह यांचे थोरले बंधू. या दोघांना उभे करून मोगल सैनिक भिंत बांधत असताना जोरावर सिंग यांच्या डोळ्यांमध्ये अश्रू आले. त्यावेळी फतेहसिंह त्यांना म्हणाले, आपण धर्मासाठी वीरमरण पत्करत आहोत आणि तरीही बंधू तुझ्या डोळ्यात अश्रू!!, त्यावेळी जोरावर सिंग म्हणाले मी मोठा आहे. ही भिंत तुझ्या आधी माझ्या खांद्यापर्यंत यावी, असे मला वाटत होते. हे धैर्याचे उद्गार काही क्षण मुघल सैनिकांनाही विचलित करून गेले. परंतु औरंगजेबासारखा क्रुरकर्मा याला त्याचे काही वाटले नाही. साहेब जादे जोरावर सिंग आणि फतेह सिंग यांनी हौतात्म्य पत्करले. त्या हुतात्म्याचा सन्मान करण्यासाठी देशभर इथून पुढे 26 डिसेंबर हा दिवस वीर बाल दिवस म्हणून साजरा करण्यात येईल.

देश व धर्म की रक्षा के लिए 4 साहिबजादों व माता गुजरी का अतुलनीय बलिदान देश की धरोहर है।

साहिबजादों के बलिदान दिवस 26 दिसंबर को 'वीर बाल दिवस' के रूप में मनाने के निर्णय पीएम @narendramodi जी ने लिया है।

इस निर्णय से साहिबजादों की राष्ट्रभक्ति से करोड़ों बच्चे प्रेरणा लेंगे। pic.twitter.com/nPEfrPHBsi

— Vijaya Rahatkar (मोदी जी का परिवार) (@VijayaRahatkar) January 9, 2022

14 नोव्हेंबर बालदिन

पंतप्रधान पंडित जवाहरलाल नेहरू यांचा जन्म दिवस 14 नोव्हेंबर बालदिन म्हणून साजरा करण्यात येतो. या पार्श्वभूमीवर पंतप्रधान मोदींचा वीर बाल दिवस साजरा करण्याचा निर्णय वेगळा मानला जात आहे. पंतप्रधान मोदींनी खेल रत्न पुरस्काराचे नाव बदलून राजीव गांधी खेल रत्न पुरस्कार या ऐवजी हॉकीचे जादूगार आणि सुपरस्टार मेजर ध्यानचंद यांच्या नावाने खेल रत्न पुरस्कार सुरू केला आहे. आता साहेब जादे जोरावर सिंग आणि फतेह सिंग यांचा शहीदी दिवस 26 डिसेंबर हा वीर बाल दिवस म्हणून साजरा करण्यात येणार आहे.