योगी सरकारने कृषी कायद्यांना विरोध करणाऱ्या राकेश टिकैत यांची सुरक्षा का वाढवली? जाणून घ्या कारण!

Know Why CM Yogi Government Increased Security Of Farmer Leader Rakesh Tikait

Farmer Leader Rakesh Tikait : नवीन कृषी कायद्याविरोधात आंदोलन करणारे शेतकरी नेते राकेश टिकैत यांची सुरक्षा वाढविण्यात आली आहे. सातत्याने येणाऱ्या धमक्या लक्षात घेऊन उत्तर प्रदेश सरकारने राकेश टिकैत यांना आणखी दोन गनर्स दिले आहेत. आता त्यांच्या सुरक्षेत तीन गनर तैनात करण्यात येणार आहेत. राकेश टिकैत हे शेतकरी आंदोलनातील एक मोठा चेहरा असून त्यांना सातत्याने धमक्या मिळत आहेत. Know Why CM Yogi Government Increased Security Of Farmer Leader Rakesh Tikait


विशेष प्रतिनिधी

नवी दिल्ली : नवीन कृषी कायद्याविरोधात आंदोलन करणारे शेतकरी नेते राकेश टिकैत यांची सुरक्षा वाढविण्यात आली आहे. सातत्याने येणाऱ्या धमक्या लक्षात घेऊन उत्तर प्रदेश सरकारने राकेश टिकैत यांना आणखी दोन गनर्स दिले आहेत. आता त्यांच्या सुरक्षेत तीन गनर तैनात करण्यात येणार आहेत. राकेश टिकैत हे शेतकरी आंदोलनातील एक मोठा चेहरा असून त्यांना सातत्याने धमक्या मिळत आहेत.

भारतीय किसान युनियनचे प्रवक्ते राकेश टिकैत गेल्या महिन्यांपासून नवीन कृषी कायद्यांचा विरोध करत आहेत. ते दिल्लीच्या गाझीपूर सीमेवर शेतकऱ्यांसमवेत उभे आहेत. 26 जानेवारीच्या हिंसाचारानंतर पोलिसांनी गाझीपूर सीमा रिकामी करण्याचा प्रयत्न केला, तेव्हा राकेश टिकैत यांच्या अश्रूंमुळे आंदोलन पुन्हा जिवंत झाले होते.

तेव्हापासून राकेश टिकैत किसान आंदोलनाचे पोस्टर बॉय झाले आहेत. त्यांच्या सर्व ठिकाणी सभा आहेत. दरम्यान, राकेश टिकैत यांना कॉल व व्हॉट्सअ‍ॅपवरून धमकावणे सुरू आहे. राकेश टिकैत यांना एप्रिल आणि मे महिन्यात शिवीगाळ करून जिवे मारण्याची धमकी देण्यात आली होती. याप्रकरणी कौशांबी पोलीस ठाण्यात गुन्हाही दाखल करण्यात आला.

यापूर्वी, राकेश टिकैत यांना डिसेंबरमध्ये फोनवरून धमक्या मिळाल्या होत्या. या प्रकरणात पोलिसांनी बिहारमधील भागलपूर येथून एका तरुणाला अटक केली होती. त्यानंतर एप्रिलमध्ये फिरोजाबाद येथील एका युवकास राकेश टिकैत यांना धमकावल्याप्रकरणी अटक करण्यात आली. अलीकडच्या काळात राकेश टिकैत यांना धमकावण्याचे प्रकार वाढले आहेत.

हे धोके लक्षात घेता उत्तर प्रदेश सरकारला यापुढे राकेश टिकैत यांच्या सुरक्षेबाबत तडजोड करण्याची इच्छा नाही. हेच कारण आहे की सरकारच्या आदेशानंतर मुझफ्फरनगर पोलिस लाइनमधून दोन सुरक्षा कर्मचारी राकेश टिकैत यांना प्रदान करण्यात आले आहेत. राकेश टिकैत यांच्या सुरक्षेत आता तीन गनर तैनात असतील.

Know Why CM Yogi Government Increased Security Of Farmer Leader Rakesh Tikait

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    शिंदे – फडणवीसांची समृद्धी महामार्गावर टेस्ट ड्राईव्ह मोदींनी केला जगातील सर्वात मोठा रोड शो! मंत्रालयात प्रवेशद्वाराजवळ महात्मा फुले, सावित्रीबाई फुले यांच्या तैलचित्राचे अनावरण