marital rape as valid ground to claim divorce : केरळ उच्च न्यायालयाने म्हटले की, पतीने पत्नीच्या शरीराला आपली संपत्ती समजणे आणि तिच्या इच्छेविरुद्ध सेक्स करणे हा वैवाहिक बलात्कार आहे. घटस्फोटाच्या मंजुरीच्या कौटुंबिक न्यायालयाच्या निर्णयाला आव्हान देणाऱ्या एका व्यक्तीचे दोन अपील फेटाळताना न्यायालयाने ही टिप्पणी केली. kerala high court upholds marital rape as valid ground to claim divorce
वृत्तसंस्था
कोची : केरळ उच्च न्यायालयाने म्हटले की, पतीने पत्नीच्या शरीराला आपली संपत्ती समजणे आणि तिच्या इच्छेविरुद्ध सेक्स करणे हा वैवाहिक बलात्कार आहे. घटस्फोटाच्या मंजुरीच्या कौटुंबिक न्यायालयाच्या निर्णयाला आव्हान देणाऱ्या एका व्यक्तीचे दोन अपील फेटाळताना न्यायालयाने ही टिप्पणी केली.
न्यायमूर्ती ए. मोहम्मद मुस्तक आणि न्यायमूर्ती कौसर एडप्पागाठ यांच्या खंडपीठाने म्हटले आहे की, विवाह आणि घटस्फोट हे धर्मनिरपेक्ष कायद्याखाली असले पाहिजेत आणि देशाच्या विवाह कायद्यात सुधारणा करण्याची वेळ आली आहे. खंडपीठाने म्हटले आहे की, “कायद्यानुसार वैवाहिक बलात्काराला कायदा मान्यता देत नाही, केवळ हे कारण न्यायालयाला घटस्फोट देण्याचे आधार म्हणून क्रूरता मानण्यापासून रोखत नाही.” म्हणूनच, आमचे मत आहे की वैवाहिक बलात्कार हा घटस्फोटाचा दावा करण्यासाठी एक योग्य आधार आहे.’
न्यायालयाने क्रूरतेच्या आधारावर घटस्फोटाची याचिका स्वीकारत कौटुंबिक न्यायालयाच्या निर्णयाविरोधात पतीचे अपील फेटाळले. याव्यतिरिक्त पतीने वैवाहिक हक्कांची मागणी करणारी दुसरी याचिका न्यायालयाने फेटाळून लावली. न्यायालयाने 30 जुलै रोजी दिलेल्या आदेशात म्हटले आहे की, “पतीने पत्नीच्या शरीराला त्याची संपत्ती समजणे आणि इच्छेविरुद्ध सेक्स करणे हा वैवाहिक बलात्कारच आहे.”
या जोडप्याचे 1995 मध्ये लग्न झाले आणि त्यांना दोन मुले आहेत. न्यायालयाने म्हटले की, पती व्यवसायाने डॉक्टर असून त्याने लग्नाच्या वेळी पत्नीच्या वडिलांकडून 501 सोन्याची नाणी, एक कार आणि फ्लॅट घेतला होता. कौटुंबिक न्यायालयाला असे आढळले की, पती आपल्या पत्नीला पैसे कमावण्याच्या मशीनसारखे वागवतो आणि पत्नीने लग्नासाठी छळ सहन केला, परंतु जेव्हा छळ आणि क्रूरता असह्य झाली तेव्हा तिने घटस्फोटासाठी याचिका दाखल करण्याचा निर्णय घेतला.
kerala high court upholds marital rape as valid ground to claim divorce
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more