कर्नाटक काँग्रेस अध्यक्षांनी डीजीपींना नालायक संबोधले, शिवकुमार यांनी दिली धमकी- आमची सत्ता आली की तुरुंगात टाकू!|Karnataka Congress president called DGP worthless, Shivakumar threatened - we will put him in jail if we come to power!

कर्नाटक काँग्रेस अध्यक्षांनी डीजीपींना नालायक संबोधले, शिवकुमार यांनी दिली धमकी- आमची सत्ता आली की तुरुंगात टाकू!

वृत्तसंस्था

बंगळुरू : कर्नाटक काँग्रेसचे अध्यक्ष डीके शिवकुमार यांनी राज्याचे डीजीपी प्रवीण सूद यांना नालायक संबोधले आहे. प्रवीण सूद हे राज्यातील भाजप सरकारचा बचाव करत असून त्यांच्या पक्षाच्या नेत्यांवर गुन्हे दाखल करत असल्याचा दावा त्यांनी केला. आपल्या पक्षाची सत्ता आल्यास त्यांच्यावर कारवाई केली जाईल, अशी धमकीही शिवकुमार यांनी दिली.Karnataka Congress president called DGP worthless, Shivakumar threatened – we will put him in jail if we come to power!

काँग्रेस नेत्याने प्रवीणवर नांजे गौडा आणि उरी गौडा यांच्या नावाने प्रवेशद्वार बनवण्यास परवानगी दिल्याचा आरोप केला आहे. हिंदू कार्यकर्त्यांच्या म्हणण्यानुसार, नांजे आणि उरी यांनी म्हैसूरचा शासक टिपू सुलतानची हत्या केली होती.

मोदी कर्नाटकात, अमित शाह केरळात; राजकीय भूकंप आंध्रात, माजी मुख्यमंत्री किरण कुमार रेड्डींचा काँग्रेसचा राजीनामा!!

डीजीपी भाजपच्या हातचे बाहुले- डीके शिवकुमार

तिगला समाजाच्या सदस्यांच्या परिषदेला उपस्थित राहण्यापूर्वी पत्रकारांशी संवाद साधताना ते म्हणाले की, डीजीपी हे राज्य सरकारचे बाहुले म्हणून काम करत आहेत. निवडणूक आयोगाने त्यांची दुसऱ्या ठिकाणी बदली करावी. तीन वर्षांपासून ते या पदावर आहेत. त्यांना किती दिवस ठेवायचे आणि त्यांची पूजा करायची? ते फक्त काँग्रेसवर गुन्हे दाखल करत आहेत. त्यांनी आमच्यावर 25 हून अधिक गुन्हे दाखल केले आहेत.

का चिडले शिवकुमार?

तीन दिवसांपूर्वी पंतप्रधान नरेंद्र मोदी यांनी बेंगळुरू-म्हैसूर एक्सप्रेसवे (NH-275) जनतेला समर्पित केला. पंतप्रधान नरेंद्र मोदी यांच्या कर्नाटक दौऱ्यात प्रवीण सूद यांनी नांजे गौडा आणि उरी गौडा यांच्या नावाने प्रवेशद्वारांना परवानगी दिली होती. यानंतर आता त्यांच्यावर विरोधकांनी हल्लाबोल केला आहे.

शिवकुमार म्हणाले की, बंगळुरू-म्हैसूर एक्स्प्रेस वेचे लोकार्पण करण्यासाठी पंतप्रधान नरेंद्र मोदी यांच्या कर्नाटक दौऱ्यात प्रवीण सूद यांनी नांजे गौडा आणि उरी गौडा यांच्या नावाने प्रवेशद्वारांना परवानगी देऊन इतिहासाचे विकृतीकरण केले. त्यांच्यावर गुन्हा दाखल करून त्याला अटक करण्यात यावी.

काँग्रेसचे 150 हून अधिक जागांवर लक्ष

यावेळी राज्यात 150 हून अधिक जागा जिंकण्याच्या उद्देशाने काँग्रेस निवडणुकीची रणनीती तयार करत आहे. 2018 च्या विधानसभा निवडणुकीत पक्षाला केवळ 78 जागा मिळाल्या होत्या. तर जेडीएसला 37 जागा मिळाल्या. त्याच वेळी, भाजपने 104 जागा जिंकल्या, परंतु एकूण 224 विधानसभा जागांसह असलेल्या कर्नाटकमध्ये 113 हा बहुमताचा आकडा आहे.