Jammu Kashmir: शोपियान चकमकीत लश्करचे दोन दहशतवादी ठार, बँक मॅनेजरच्या हत्येचाही घेतला बदला|Jammu and Kashmir: Two Army terrorists killed in Shopian encounter, revenge for killing of bank manager

Jammu Kashmir: शोपियान चकमकीत लश्करचे दोन दहशतवादी ठार, बँक मॅनेजरच्या हत्येचाही घेतला बदला

वृत्तसंस्था

श्रीनगर : काश्मीरमध्ये नुकत्याच झालेल्या टार्गेट किलिंगदरम्यान एका बँक मॅनेजरची हत्या करणाऱ्या एका दहशतवाद्यासह लष्कर-ए-तैयबाच्या दोन दहशतवाद्यांना मंगळवारी उशिरा झालेल्या चकमकीत सुरक्षा दलांनी शोपियानमध्ये ठार केले. जम्मू-काश्मीर पोलिसांनी याबाबत माहिती दिली.Jammu and Kashmir: Two Army terrorists killed in Shopian encounter, revenge for killing of bank manager

काश्मीर झोनच्या पोलिसांनी ट्विट केले की, ठार झालेले दोन्ही दहशतवादी लष्करशी संबंधित असून त्यांची ओळख पटवली जात आहे. जम्मू-काश्मीर पोलीस आणि लष्कराच्या संयुक्त मोहिमेअंतर्गत ही कारवाई करण्यात आल्याचे त्यांनी सांगितले.

Jammu Kashmir Encounter : सुरक्षा दलांना मोठे यश, त्रालमध्ये दोन दहशतवादी ठार, मोहीम सुरूच

#ShopianEncounterUpdate: One of the killed #terrorists has been identified as Jan Mohd Lone of #Shopian. Besides other #terror crimes, he was involved in recent killing of Vijay Kumar, Bank manager on 2/6/22 in #Kulgam district: IGP Kashmir@JmuKmrPolice https://t.co/ltyIDWSGQj

— Kashmir Zone Police (@KashmirPolice) June 14, 2022

चकमकीत दोन दहशतवादी ठार

पोलिसांनी केलेल्या दुसर्‍या ट्विटमध्ये असे म्हटले आहे – शोपियान येथील जान मोहम्मद म्हणून एका दहशतवाद्याची ओळख पटली आहे. इतर दहशतवादी घटनांव्यतिरिक्त 2 जून रोजी कुलगाममध्ये एका बँक मॅनेजरच्या हत्येतही त्याचा सहभाग होता. विजय कुमार हा राजस्थानमधील हनुमानगडचा रहिवासी होता. काश्मीरमधील कुलगाममध्ये कर्तव्यात रुजू झाल्यानंतर 2 जून रोजी दहशतवाद्यांनी त्यांची गोळ्या झाडून हत्या केली होती. तिथे लावलेल्या कॅमेऱ्यात एका दहशतवाद्याने बँकेत घुसून बँक मॅनेजरवर गोळी झाडल्याचे दिसत होते.

बँक मॅनेजरच्या हत्येनंतर लोकांमध्ये संतापाचे वातावरण होते. अलीकडच्या काळात घाटीत टार्गेट किलिंगच्या अनेक घटना घडल्या आहेत. गेल्या वर्षभरापासून टार्गेट किलिंगच्या घटना समोर येत आहेत आणि स्थलांतरित मजूर आणि स्थानिक अल्पसंख्याकांना सातत्याने लक्ष्य केले जात असल्याच्या बातम्या येत आहेत.