काश्मिरात जैश-ए-मोहम्मदचा दहशतवादी ठार खोऱ्यात आज पहाटे पासून चकमक सुरू|Jaish-e-Mohammed militants killed in Kashmir clashes begin this morning

काश्मिरात जैश-ए-मोहम्मदचा दहशतवादी ठार खोऱ्यात आज पहाटे पासून चकमक सुरू

विशेष प्रतिनिधी

जम्मू : जम्मू-काश्मीरच्या गांदरबलमध्ये आज पहाटे चकमक सुरू झाली. यापूर्वी काल म्हणजेच शुक्रवारी पुलवामामध्ये दहशतवादी आणि सुरक्षा दलांमध्ये चकमक झाली होती. एएनआय या वृत्तसंस्थेनुसार, पुलवामा चकमकीत जैश-ए-मोहम्मदचा एक दहशतवादी मारला गेला आहे. त्याचवेळी दोन दहशतवाद्यांना घेरले असून चकमक सुरू आहे. हंदवाडा येथेही चकमक सुरू आहे.Jaish-e-Mohammed militants killed in Kashmir clashes begin this morning

या महिन्यात दहशतवाद्यांनी आतापर्यंत तीन पंचायत प्रतिनिधींची हत्या केली आहे. यापूर्वी ९ मार्च रोजी श्रीनगरच्या खोन्मुहमध्ये दहशतवाद्यांनी घरात घुसून पीडीपीचे सरपंच समीर अहमद भट यांची हत्या केली होती. २ मार्च रोजी कुलगाम जिल्ह्यातील कुलपोरा सरांद्रो भागात स्वतंत्र पंच मोहम्मद याकूब दार यांची दहशतवाद्यांनी गोळ्या झाडून हत्या केली होती. त्याच्यावर घराबाहेर गोळ्या झाडण्यात आल्या.

जम्मू-काश्मिरात क्रूरकर्मा पाकिस्तानी दहशतवादी सलीम पारेला कंठस्नान, नागरिकांच्या हत्येत होता सामील

भाजपचे काश्मीरचे मीडिया प्रभारी मंजूर भट यांनी या घटनेचा निषेध केला असून अशा हल्ल्यांना जबाबदार असणाऱ्यांवर कठोर कारवाई व्हायला हवी, असे म्हटले आहे.पोलीस महासंचालक, आयजी विजय कुमार यांनी सांगितले की, दहशतवादी हल्ल्यात शहीद झालेले सरपंच शब्बीर अहमद मीर

यांना श्रीनगरमधील सुरक्षित हॉटेलमध्ये निवासी सुविधा उपलब्ध करून देण्यात आली होती. पोलिसांना न कळवता ते हॉटेलमधून निघून घरी पोहोचले. त्यांनी आवाहन केले आहे की संरक्षित व्यक्तींनी आदेशांचे पालन करावे. पोलिसांना कळवल्याशिवाय कुठेही जाऊ नये.