ऐतिहासिक : भारताच्या 75व्या स्वातंत्र्यदिनी ऐतिहासिक टाइम्स स्क्वेअरवर फडकणार सर्वात मोठा तिरंगा|India will hoist the largest tricolor at the historic Times Square on the 75th anniversary of Independence Day

ऐतिहासिक : भारताच्या ७५व्या स्वातंत्र्यदिनी ऐतिहासिक टाइम्स स्क्वेअरवर फडकणार सर्वात मोठा तिरंगा

वृत्तसंस्था

नवी दिल्ली : 15 ऑगस्ट रोजी भारत आपल्या स्वातंत्र्याचा 75वा वर्धापन दिन साजरा करणार आहे. स्वातंत्र्याच्या या वर्धापन दिनानिमित्त अमेरिकेतील प्रमुख भारतीय प्रवासी संघटनेद्वारे टाइम्स स्क्वेअरवर आजवरचा सर्वात मोठा तिरंगा फडकवण्यात येणार आहे.India will hoist the largest tricolor at the historic Times Square on the 75th anniversary of Independence Day

फेडरेशन ऑफ इंडियन असोसिएशन्स (FIA) न्यूयॉर्क, न्यू जर्सी आणि कनेक्टिकट स्वातंत्र्यदिनानिमित्त 15 ऑगस्ट रोजी टाइम्स स्क्वेअरवर तिरंगा फडकवण्यापासून सुरू होणाऱ्या दिवसभराच्या कार्यक्रमांचे आयोजन करेल.

स्वातंत्र्यदिनी पीएम मोदींना लाल किल्ल्यावर झेंडा फडकवू न देणाऱ्यास ७.४५ कोटींचे इनाम, प्रतिबंधित सीख फॉर जस्टिस संघटनेची घोषणा

टाइम्स स्क्वेअरवर पहिला भारत दिन फलक २४ तास प्रदर्शित केला जाईल, एम्पायर स्टेट बिल्डिंग भारतीय तिरंग्याच्या रंगांनी प्रकाशित होईल आणि दिवसाचा शेवट हडसन नदीवर नेत्रदीपक क्रूझने होईल. क्रूझमध्ये विशेष अतिथी, उच्च अधिकारी आणि भारतीय अमेरिकन समुदायाचे सदस्य उपस्थित राहतील. यानिमित्ताने 6 फूट लांब आणि 10 फूट रुंद भारतीय तिरंगा फडकवणार असल्याची माहिती प्राप्त झाली आहे. तर खांबाची उंची 25 फूट असेल.

गतवर्षीही देशाच्या स्वातंत्र्य दिनाच्या निमित्ताने फेडरेशन ऑफ इंडियन असोसिएशन्स (FIA) ने टाइम्स स्क्वेअरवर राष्ट्रध्वज फडकवला होता. टाइम्स स्क्वेअरवर तिरंगा फडकवण्याची ही पहिलीच वेळ होती. एफआयएचे अध्यक्ष अंकुर वैद्य म्हणाले की, आमच्या संस्थेने ठरवले आहे की, आम्ही दरवर्षी टाइम्स स्क्वेअरवर तिरंगा फडकवणार आहोत,

कारण स्वातंत्र्यदिनाच्या उत्सवाला विशेष महत्त्व आहे. अंकुर म्हणाले की, आम्हाला ही परंपरा दरवर्षी चालू ठेवायची आहे. या वर्षी आम्ही तिरंगा जो टाइम्स स्क्वेअरवर फडकवणार आहोत तो येथे फडकवलेल्या तिरंग्यांमध्ये सर्वात मोठा असेल.

न्यूयॉर्कमधील भारताचे महावाणिज्यदूत रणधीर जैस्वाल यांच्या हस्ते तिरंगा फडकवला जाणार आहे. स्वातंत्र्यदिनाच्या निमित्ताने सर्वात तरुण ग्रँडमास्टर 17 वर्षीय समीर बॅनर्जीचा विजेतेपद जिंकून इतिहास रचल्याबद्दल सन्मान केला जाईल. समीर बॅनर्जीने गेल्या महिन्यात विम्बल्डन बॉईज एकेरीची अंतिम फेरी जिंकून इतिहास रचला. याशिवाय कलाकार जोनिता गांधी आणि मिकी सिंगदेखील उपस्थित राहतील. अंकुरने सांगितले की, एफआयए अमेरिकेच्या एकात्मिक स्थलांतरितावर केंद्रित मोहीम सुरू करत आहे.