दिल्लीत यमुनेच्या पाणी पातळीत प्रचंड वाढ, ४५ वर्षांनंतर २०८ मीटरच्या वर पोहोचली Huge rise in Yamuna water level in Delhi reaching above 208 meters after 45 years

दिल्लीत यमुनेच्या पाणी पातळीत प्रचंड वाढ, ४५ वर्षांनंतर २०८ मीटरच्या वर पोहोचली

पूरस्थिती पाहता सरकार सतर्क

विशेष प्रतिनिधी

नवी दिल्ली: देशाची राजधानी दिल्लीत मागील काही दिवसांपासून सुरू असलेल्या प्रचंड पावसामुळे यमुना नदीच्या पाणी पातळी सातत्याने वाढ होत आहे. तब्बल 45 वर्षांनंतर नदीच्या पाणीपातळीने 208 मीटरचा आकडा ओलांडला आहे. तर पूरस्थिती पाहता दिल्ली सरकार सतर्क आहे. Huge rise in Yamuna water level in Delhi reaching above 208 meters after 45 years

केंद्रीय जल आयोगाच्या (CWC) फ्लड-मॉनिटरिंग पोर्टलनुसार, जुन्या रेल्वे पुलावरील पाण्याची पातळी 2013 नंतर प्रथमच बुधवारी (12 जुलै) पहाटे 4 वाजता 207 मीटरचा टप्पा ओलांडली. दुपारी 4 वाजेपर्यंत त्यात 207.71 मीटर इतकी विक्रमी वाढ झाली. रात्री 11 वाजता ते 208.08 मीटरपर्यंत वाढले आणि गुरुवारी (13 जुलै) सकाळी 8 वाजेपर्यंत ते 208.30 मीटरपर्यंत पोहोचणे अपेक्षित आहे.

दिल्ली सरकारच्या म्हणण्यानुसार, यमुनेची जलपातळी 11 वाजण्याच्या सुमारास केंद्रीय जल आयोगाने 13 जुलै रोजी पहाटे 4 ते सकाळी 6 या कालावधीत केलेल्या 207.99 मीटरच्या अंदाजापेक्षा जास्त आहे.

जुन्या रेल्वे पुलावर रात्री 10 वाजता वाढ नोंदवण्यात आल्याचे सरकारने सांगितले. पीटीआय या वृत्तसंस्थेनुसार, यापूर्वी 1978 मध्ये दिल्लीत यमुनेची पाणी पातळी 207.49 मीटरपर्यंत पोहोचल्याची नोंद होती. बुधवारी रात्री 9 वाजता जुन्या रेल्वे पुलावर यमुनेची पाणी पातळी 207.95 मीटर नोंदवण्यात आली. याआधी रात्री 8 वाजता हातिनीकुंड बॅरेजमधून 1,47,857 क्युसेक पाणी सोडण्यात आले होते.