गुजरातमध्ये नवे तज्ज्ञ डॉक्टरना आकर्षक मानधन, कोरोना रुग्णांवर होणार खासगी रुग्णालयांत उपचार

विशेष प्रतिनिधी

अहमदाबाद : गुजरात सरकारने राज्यातील सर्व खासगी रुग्णालये, चिकित्सालये, शुषृशा गुहे आणि दवाखान्यांना १५ जूनपर्यंत कोरोना रुग्णांवर उपचाराची परवानगी दिली आहे. नवे तज्ज्ञ डॉक्टर आकर्षक मानधनावर नियुक्त करण्याचा निर्णयही झाला.Gujrat govt. tooks massive steps for covid treatment

राज्यातील कोरोना रुग्णांची संख्या वाढत चालल्यामुळे हा निर्णय घेण्यात आला. रुग्णालयांना सरकारकडे कोणतीही परवानगी मागावी लागणार नाही, पण जिल्हाधिकारी किंवा महापालिका आयुक्तांना कोरोना रुग्णांची माहिती कळवावी लागेल.

गुजरातमध्ये कोरोना संसर्ग अधिक बिकट, वलसाड़च्या रुग्णालयात मृतदेहांचा लागला ढीग

दरम्यान, तीन महिन्यांसाठी नवे तज्ज्ञ डॉक्टर व आवश्यक कर्मचारी नेमण्याचाही निर्णय झाला. त्यानुसार दरमहा तज्ज्ञ डॉक्टरांना अडीच लाख, वैद्यकीय अधिकाऱ्यांना सव्वा लाख, दंतरोगतज्ज्ञांना ४० हजार, आयुष-होमिओपॅथी डॉक्टरांना ३५ हजार रुपये मानधन मिळेल.

बाहेरील संस्थांकडून नेमल्या जाणाऱ्या तृतीय श्रेणीतील परिचारिकांना दरमहा वीस हजार रुपये मिळतील.सर्व प्रकारच्या प्रशिक्षित डॉक्टर व निमवैद्यकीय कर्मचाऱ्यांना राज्य सरकारच्या प्रयत्नांना हातभार लावण्यासाठी पुढे यावे असे आवाहन रुपानी यांनी केले.