श्रीनगरमध्ये सुरक्षा दल आणि दहशतवाद्यांमध्ये चकमक, शोपियानमध्ये फळ विक्रेत्याचा मृत्यू, दोन पोलीस आणि एक जवान जखमी


गृहमंत्री अमित शहा यांचा दौरा जम्मू -काश्मीरमध्ये सुरू आहे. खोऱ्यात मोठ्या प्रमाणात सुरक्षा दले तैनात करण्यात आली आहेत. असे असूनही रविवारी शोपियानच्या झैनापोरा येथे दहशतवाद्यांनी सीआरपीएफ जवानांवर हल्ला केला. यानंतर सीआरपीएफच्या जवानांनी दहशतवाद्यांना चोख प्रत्युत्तर दिले. दोन्ही बाजूंनी सुरू असलेल्या या गोळीबारात एका काश्मिरी नागरिकाचा मृत्यू झाला. शाहिद एजाज असे या नागरिकाचे नाव असून, तो फळ विक्रेता होता.Encounter between security forces and terrorists continues in Srinagar Apple vendor shot dead in cross-firing in Shopian


वृत्तसंस्था

श्रीनगर : गृहमंत्री अमित शहा यांचा दौरा जम्मू -काश्मीरमध्ये सुरू आहे. खोऱ्यात मोठ्या प्रमाणात सुरक्षा दले तैनात करण्यात आली आहेत. असे असूनही रविवारी शोपियानच्या झैनापोरा येथे दहशतवाद्यांनी सीआरपीएफ जवानांवर हल्ला केला. यानंतर सीआरपीएफच्या जवानांनी दहशतवाद्यांना चोख प्रत्युत्तर दिले. दोन्ही बाजूंनी सुरू असलेल्या या गोळीबारात एका काश्मिरी नागरिकाचा मृत्यू झाला. शाहिद एजाज असे या नागरिकाचे नाव असून, तो फळ विक्रेता होता.

गत महिनाभरात खोऱ्यात 11 नागरिकांना जीव गमवावा लागला आहे. त्यामुळे जम्मू-काश्मीर पोलीस आणि लष्कराने दहशतवाद्यांविरोधात कारवाई सुरू केली आहे. या 11 नागरिकांपैकी 5 बिहारचे होते, तर उर्वरित तीन काश्मीरमधील अल्पसंख्याक समुदायाचे होते. यामध्ये दोन शिक्षकांचा समावेश होता.



पूंछमध्ये दोन पोलीस आणि एक जवान जखमी

त्याचवेळी जम्मू -काश्मीरच्या पूंछ जिल्ह्यात सुरक्षा दल आणि दहशतवाद्यांमध्ये झालेल्या चकमकीत दोन पोलीस आणि एक जवान जखमी झाले आहेत. पाकव्याप्त काश्मीरमध्ये कैद असलेला एक दहशतवादी, जो पोलीस रिमांडवर होता, तोही या गोळीबारात जखमी झाला. जोरदार गोळीबार झाल्याने जखमी दहशतवाद्याला बाहेर काढता आले नाही.

अधिकाऱ्यांनी दिलेल्या माहितीनुसार, पुंछमध्ये 14 दिवस लष्करी कारवाई सुरू आहे. रविवारी सकाळी दहशतवाद्यांनी येथील जंगलात लष्कर आणि पोलिसांच्या संयुक्त शोध पथकावर गोळीबार सुरू केला, त्यानंतर दोन्ही बाजूंनी चकमक सुरू आहे.

अमित शहांच्या दौऱ्याचा आज दुसरा दिवस

अमित शाह जम्मू-काश्मीरच्या तीन दिवसांच्या दौऱ्यावर आहेत. शनिवारी त्यांनी येथील सुरक्षा व्यवस्था आणि दहशत संपवण्यासाठी सुरक्षा दलांच्या कारवाईचा आढावा घेतला.

Encounter between security forces and terrorists continues in Srinagar Apple vendor shot dead in cross-firing in Shopian

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    वेदांत – फॉक्सकॉन सेमी कंडक्टर प्रकल्पाचे सर्वेसर्वा अनिल अग्रवाल यांचे महत्वाचे मुद्दे वनडे फॉरमॅटमधून ऑस्ट्रेलियन क्रिकेटर ॲरॉन फिंचची निवृत्ती भारत बनला 5वी सर्वात मोठी अर्थव्यवस्था