मोदी सरकारमध्ये अर्थव्यवस्था बळकट, जानेवारीत देशाच्या औद्योगिक उत्पादनात ५.२ टक्के वाढ!

By, Sachin Sutar - March 11, 2023 05:34:22

0

उत्पादन क्षेत्राबरोबरच खाण, वीज निर्मिती, भांडवली वस्तूंच्या उत्पादनातही वाढ

विशेष प्रतिनिधी

नवी दिल्ली : कोरोना महामारी आणि रशिया-युक्रेन संकटाच्या काळातही पंतप्रधान नरेंद्र मोदी यांच्या नेतृत्वाखाली देशाची अर्थव्यवस्था चांगल्या स्थितीत आहे. मोदींच्या राजवटीत भारतीय अर्थव्यवस्था मजबूतपणे पुढे जात असल्याचे दिसत आहे. मोदी सरकारच्या धोरणांमुळे जानेवारी महिन्यात औद्योगिक उत्पादनांमध्ये चांगली कामगिरी झाली. औद्योगिक उत्पादनात (IIP) ५.२ टक्के वाढ नोंदवली गेली आहे. Economy strengthened under Modi government 5.2 percent increase in industrial production growth rate in January

काल, १० मार्च रोजी सांख्यिकी आणि कार्यक्रम अंमलबजावणी मंत्रालयाने जारी केलेल्या आकडेवारीनुसार, जानेवारी २०२३ मध्ये उत्पादन क्षेत्रात ३.७ टक्के, खाण क्षेत्रात ८.८ आणि वीज निर्मितीमध्ये १२.७ टक्के वाढ नोंदवण्यात आली आहे. त्याचप्रमाणे भांडवली वस्तूंच्या उत्पादनात ९.६ टक्के वाढ झाली आहे.

बंगळुरू-म्हैसूर प्रवास आता तीन तासांऐवजी फक्त ७५ मिनिटांत पूर्ण होणार

प्रमुख क्षेत्रांमध्येही तेजी होती –

जानेवारीमध्ये भारतातील प्रमुख क्षेत्रांमध्येही तेजी दिसून आली आहे. २८ फेब्रुवारी रोजी जारी करण्यात आलेल्या आकडेवारीनुसार जानेवारी २०२३ मध्ये आठ प्रमुख क्षेत्रांचे उत्पादन ७.८ टक्क्यांनी वाढले आहे. या आठ प्रमुख क्षेत्रांमध्ये कोळसा, कच्चे तेल, नैसर्गिक वायू, रिफायनरी उत्पादने, खते, पोलाद, सिमेंट आणि वीज यांचा समावेश आहे.

चालू आर्थिक वर्षात एप्रिल २०२२ ते जानेवारी २०२३ या कालावधीत त्यांचा विकास दर ७.९ टक्के होता. औद्योगिक उत्पादन निर्देशांक (IIP) मध्ये आठ प्रमुख क्षेत्रांचा वाटा ४०.२७ टक्के आहे. सरकारी आकडेवारीनुसार, मागील वर्षीच्या तुलनेत यावर्षी जानेवारीत कोळसा उत्पादन १३.४ टक्के, वीज उत्पादन १२.० टक्के, सिमेंट उत्पादन ४.६ टक्के, स्टील ६.२ टक्के, रिफायनरी उत्पादन ४.५ टक्के, खत उत्पादन १७.९ टक्क्यांनी वाढले आहे. याशिवाय नैसर्गिक वायू १७.९ टक्के. गॅस उत्पादनात ५.३ टक्के वाढ नोंदवली गेली आहे. जानेवारीमध्ये खत क्षेत्रात सर्वाधिक १७.९ टक्के वाढ झाली आहे.

फेब्रुवारीमध्ये जीएसटी संकलनाने १.४९ लाख कोटींचा टप्पा पार केला –

करवसुलीच्या बाबतीत सरकारला खूप फायदा झाला आहे. फेब्रुवारी २०२३ मध्ये वस्तू आणि सेवा कर म्हणजेच GST संकलन १२ टक्क्यांनी वाढले आहे. फेब्रुवारीमध्ये सलग बाराव्या महिन्यात जीएसटी संकलनाने १.४९ लाख कोटी रुपयांचा टप्पा ओलांडला आहे.

फेब्रुवारीमध्ये जीएसटी संकलनाचा आकडा १.४९ लाख कोटी रुपये होता. अर्थ मंत्रालयाच्या म्हणण्यानुसार, फेब्रुवारीमध्ये एकूण GST महसूल १,४९,५७७ कोटी रुपये इतका जमा झाला आहे, ज्यामध्ये CGST २७,६६२ कोटी, SGST ३४,९१५ कोटी, IGST ७५,०६९ कोटी, उपकर ११,९३१ कोटी रुपये आहे. गेल्या वर्षी फेब्रुवारी महिन्यात जीएसटी महसूल म्हणून १,३३,०२६ कोटी रुपये जमा झाले होते. हे वार्षिक आधारावर १२ टक्के अधिक आहे.