Covaxine Phase III trial 77 percent effective, Bharat Biotech submitted data to the government

कोव्हॅक्सिन तिसऱ्या टप्प्यातील चाचणीत 77.8 % प्रभावी, भारत बायोटेकने सरकारला सोपवला डेटा

Covaxine Phase III trial  : भारताच्या स्वदेशी कोरोना लसीचे म्हणजेच कोव्हॅक्सिनचे तिसऱ्या टप्प्यातील चाचणीचा निष्कर्ष समोर आला आहे. तिसर्‍या टप्प्यातील चाचणी डेटामध्ये ही लस 77.8 टक्के प्रभावी असल्याचे सिद्ध झाले आहे. भारत बायोटेकच्या वतीने हा अहवाल केंद्र सरकारच्या समितीला सादर करण्यात आला आहे. कोव्हॅक्सिनची निर्मिती करणाऱ्या भारत बायोटेकने त्याच्याशी संबंधित तिसऱ्या टप्प्यातील क्लिनिकल चाचणी डेटा ड्रग कंट्रोलर जनरल ऑफ इंडिया (डीसीजीआय) शी शेअर केला आहे.


विशेष प्रतिनिधी

नवी दिल्ली : भारताच्या स्वदेशी कोरोना लसीचे म्हणजेच कोव्हॅक्सिनचे तिसऱ्या टप्प्यातील चाचणीचा निष्कर्ष समोर आला आहे. तिसर्‍या टप्प्यातील चाचणी डेटामध्ये ही लस 77.8 टक्के प्रभावी असल्याचे सिद्ध झाले आहे. भारत बायोटेकच्या वतीने हा अहवाल केंद्र सरकारच्या समितीला सादर करण्यात आला आहे. कोव्हॅक्सिनची निर्मिती करणाऱ्या भारत बायोटेकने त्याच्याशी संबंधित तिसऱ्या टप्प्यातील क्लिनिकल चाचणी डेटा ड्रग कंट्रोलर जनरल ऑफ इंडिया (डीसीजीआय) शी शेअर केला आहे.

तिसर्‍या टप्प्यातील माहिती मिळाल्यानंतर विषय तज्ज्ञ समितीची (एसईसी) आज मंगळवारी बैठक झाली. यामध्ये ही माहिती कोवाकाईन यांनी दिली आहे. एसईसीने भारत बायोटेकने दिलेला डेटा पाहिला आहे. परंतु याक्षणी कोणतीही स्वीकृती किंवा नकार देण्यात आलेला नाही. पुढील प्रक्रियेमध्ये एसईसी आपला डेटा डीसीजीआयकडे देईल.

दरम्यान, कोव्हॅक्सिन ही लस या चाचण्यांच्या परिणामांशिवाय तब्बल 5 महिन्यांपूर्वी आणीबाणीच्या वापरासाठी मंजूर करण्यात आली होती. चाचणी निकालाशिवाय मंजूर करण्यात आल्याने तेव्हा बराच वादही झाला होता.

भारत बायोटेकची लस मंजूर होण्यावरून वाद

सध्या भारतात दोन कोरोना लसींद्वारे लसीकरण मोहीम राबविली जात आहे. पहिली म्हणजे अ‍ॅस्ट्राझेनेकाची कोरोना लस. ही सीरम इन्स्टिट्यूटकडून कोव्हिशील्ड या नावाने तयार केली जात आहे. दुसरे म्हणजे भारत बायोटेकची कोव्हॅक्सिन. ही पहिली संपूर्ण भारतीय लस आहे. कोरोनाची लाट जेव्हा सर्वाधिक होती आणि लसीकरण मोहीम सुरू होणार होती, तेव्हा सरकारकडून कोव्हिशील्ड आणि कोव्हॅक्सिन यांच्या आपत्कालीन वापरासाठी मंजुरी देण्यात आली. त्यानंतर तिसर्‍या टप्प्यातील चाचणीचा निकाल न घेता कोव्हॅक्सिनच्या मंजुरीबद्दल बरेच प्रश्न उपस्थित करण्यात आले.

तथापि, लसीकरण सुरू झाल्यानंतर आतापर्यंत कोव्हॅक्सिनचे कोणतेही गंभीर दुष्परिणाम नोंदलेले नाहीत. भारत बायोटेकने असेही म्हटले आहे की, ते चौथ्या टप्प्यातील चाचण्याही घेत आहेत. डब्ल्यूएचओने जारी केलेल्या आपत्कालीन वापरासाठीच्या लसीच्या यादीमध्ये सध्या कोव्हॅक्सिनला स्थान मिळालेले नाही. यासंदर्भात प्रयत्न सुरू आहेत.

भारत बायोटेकने गेल्या महिन्यात सांगितले होते की, लस डब्ल्यूएचओच्या जुलै ते सप्टेंबरदरम्यान आपत्कालीन वापरासाठी मंजूर झालेल्या यादीमध्ये स्थान मिळवेल अशी अपेक्षा आहे.

Covaxine Phase III trial 77 percent effective, Bharat Biotech submitted data to the government

महत्त्वाच्या बातम्या