राफेल डीलमध्ये भारतीय मध्यस्थाला मिळाले साडेआठ कोटींचं ‘गिफ्ट’, फ्रेंच मीडियाचा दावा

Corruption in Raphael deal

Corruption in Raphael deal : राफेल विमाने भारतात येणे सुरू झाले आहे, परंतु या विमानांच्या सौद्याबाबतचे प्रश्न थांबलेले नाहीत. निवडणुकांतील मुद्दा बनलेला हा राफेल करार कोर्टाच्या अग्निपरीक्षेतूनही सहीसलामत बाहेर आलेला आहे. परंतु आता फ्रेंच न्यूज वेबसाइट मीडिया पार्टने राफेल पेपर्स नावाचे लेख प्रकाशित केले आहेत. या अहवालात असा दावा करण्यात आला आहे की, या करारात भ्रष्टाचार झाला आहे. Corruption in Raphael deal claims French media


विशेष प्रतिनिधी

नवी दिल्ली : राफेल विमाने भारतात येणे सुरू झाले आहे, परंतु या विमानांच्या सौद्याबाबतचे प्रश्न थांबलेले नाहीत. निवडणुकांतील मुद्दा बनलेला हा राफेल करार कोर्टाच्या अग्निपरीक्षेतूनही सहीसलामत बाहेर आलेला आहे. परंतु आता फ्रेंच न्यूज वेबसाइट मीडिया पार्टने राफेल पेपर्स नावाचे लेख प्रकाशित केले आहेत. या अहवालात असा दावा करण्यात आला आहे की, या करारात भ्रष्टाचार झाला आहे.

या वृत्तानुसार, राफेल लढाऊ विमानांच्या सौद्यातील गडबड पहिल्यांदा फ्रेंच भ्रष्टाचारविरोधी एजन्सी एएफएला 2016 मध्ये झालेल्या स्वाक्षर्‍यानंतर आढळून आले होते. एएफएला समजले की, राफेल बनवणारी कंपनी दसॉ एव्हिएशनने एका मध्यस्थाला १० लाख युरो देण्यास सहमती दर्शविली होती. या शस्त्रास्त्र दलालावर सध्या दुसर्‍या सौद्यात गडबड केल्याचा आरोप आहे. तथापि, एएफएने हे प्रकरण प्रॉसिक्युटरकडे पाठवले नाही.

वृत्तानुसार, ऑक्टोबर 2018 मध्ये फ्रान्सची पब्लिक प्रॉसिक्युशन एजन्सी पीएनएफला राफेल सौद्यातील गडबडीचे संकेत मिळाले होते. त्याच वेळी फ्रेंच कायद्यानुसार दसॉ एव्हिएशनच्या ऑडिटचीही वेळ झाली होती. कंपनीच्या 2017 खात्यांच्या तपासणीदरम्यान गिफ्ट टू क्लायंटच्या नावावर 50,8925 युरोंचा खर्च आढळला. हा खर्च इतर खर्चाच्या रकमेपेक्षा खूप जास्त होता.

या अहवालात असे म्हटले आहे की, दसॉ एव्हिएशनने एएफएला 30 मार्च 2017 चे बिल दिले होते, जे डीएफएस सोल्यूशन्स ऑफ इंडियाने दिले होते. हे बिल हे राफेल लढाऊ विमानांचे 50 मॉडेल बनविण्याच्या ऑर्डरच्या अर्ध्या आदेशासाठी होते. या कामासाठी प्रति नग 20,357 युरोचे बिल दिले गेले.

ऑक्टोबर 2018च्या मध्यात हा खर्च समजल्यानंतर एएफएने दसॉला विचारणा केली की, कंपनीने स्वत:चे लढाऊ विमानांचे मॉडेल कशासाठी तयार केले आणि त्याला 20 हजार युरो इतका मोठा खर्च का करावा लागला. त्याच वेळी प्रश्न विचारले गेले की, छोट्या कारच्या आकाराचे हे मॉडेल कधीतरी कोठे वापरले गेले आहे का?

Corruption in Raphael deal claims French media

महत्त्वाच्या बातम्या

 

LEAVE A COMMENT

To be published, comments must be reviewed by the administrator.*



    दगडी चाल फेम अभिनेत्री पूजा सावंत ने गुपचूप उरकला साखरपुडा. श्रीमंत दगडूशेठ गणपती 2023 ब्रिटनचे पंतप्रधान ऋषी सुनक पत्नी अक्षता मूर्तीसह अक्षरधाम मंदिरात