कोरोना महामारीचा डेटा मागितल्यावर चीनचे बेताल प्रत्युत्तर, WHOला इतर देशांचे टूल न बनण्याचा इशारा

By, Pravin Wankhade - April 9, 2023 10:00:59

0

वृत्तसंस्था

नवी दिल्ली : जागतिक आरोग्य संघटनेने (WHO) पुन्हा एकदा चीनवर कोरोना विषाणूच्या उत्पत्तीविषयी डेटा शेअर करण्यासाठी दबाव आणला आहे. डब्ल्यूएचओचे प्रमुख टेड्रोस गेब्रेयसस म्हणाले की, चीनने कोरोनाबद्दलची माहिती आमच्यासोबत शेअर केलेली नाही, त्यामुळे सर्व गृहितके अर्ध्या-अपूर्ण आकड्यांसह शिल्लक आहेत. जागतिक आरोग्य संघटनेच्या या विधानाला प्रत्युत्तर म्हणून चीनने WHO कडून माहिती मागवून निष्पक्ष चौकशीची मागणी केली होती. याशिवाय चीनचे आरोग्य अधिकारी शेन होंगबिंग यांनी WHO ला व्हायरसच्या उत्पत्तीबाबत राजकारण टाळण्याचा इशारा दिला, संस्थेने इतर देशांचे टूल बनू नये, असे ते म्हणाले.China’s rude response to request for Corona epidemic data, warning to WHO not to become a tool of other countries

व्हायरसच्या उत्पत्तीबद्दल विचारलेल्या प्रश्नाच्या उत्तरात गेब्रेयसस म्हणाले, “चीनकडे असलेल्या माहितीवर पूर्ण प्रवेश असल्याशिवाय आपण काहीही सांगू शकत नाही. आम्ही चीनला यावर सहकार्य करण्यास सांगत आहोत जेणेकरून आम्हाला कळेल की त्याची सुरुवात कशी झाली. सीएनएच्या रिपोर्टनुसार, गेब्रेयसस यांनी सांगितले की, डिसेंबर 2019 मध्ये चीनच्या वुहान शहरात या विषाणूची पहिली ओळख पटली. त्यानंतर तो जगभरात पसरला आणि सुमारे 7 दशलक्ष लोकांचा मृत्यू झाला. याशिवाय, WHO प्रमुखांनी चिंता व्यक्त केली. जर चीनने डेटा दिला नाही तर या व्हायरसचे मूळ कधीच कळणार नाही.

केंद्राची सर्व राज्यांना सूचना कोरोना चाचणी वाढवा, 24 तासांत 1590 रुग्ण आढळले, 146 दिवसांतील उच्चांक

कोरोना व्हायरस उत्पत्तीचे अनेक सिद्धांत

प्रसारमाध्यमांनी दिलेल्या माहितीनुसार, अनेक रिपोर्ट्समध्ये व्हायरसची उत्पत्ती चीनमधून झाल्याचे सांगण्यात आले आहे. तसेच, अनेक लोकांचा आरोप आहे की वुहानमध्ये प्राण्यांची मोठी बाजारपेठ आहे जिथे वटवाघुळ आणि इतर प्राणी उघड्यावर विकले जातात, यातून हा व्हायरस पसरला. याशिवाय अनेक अहवालांमध्ये असा दावा करण्यात आला आहे की, या विषाणूची उत्पत्ती त्याच ठिकाणाहून झाली आहे. जागतिक आरोग्य संघटनेच्या एका पथकानेही घटनास्थळी भेट दिली असली, तरी त्यांनी बीजिंगविरुद्ध कोणताही ठोस अहवाल प्रसिद्ध केला नाही. तसेच अनेकवेळा चीननेही हे वृत्त फेटाळले आहे.

WHO च्या डॉ. मारिया व्हॅन केरखोव्ह यांनी सांगितले की, नवीन चिनी माहितीत उत्पत्तीवर कोणतीही विशिष्ट उत्तरे सापडलेली नाहीत. त्या म्हणाले की, डब्ल्यूएचओ आता 2019 च्या सुरुवातीच्या रुग्णांबद्दल अधिक शोधण्यासाठी वैज्ञानिकांसोबत काम करत आहे. फेब्रुवारीच्या सुरुवातीला, युनायटेड स्टेट्सच्या ऊर्जा विभागाने लीक थिअरीचे पुनर्मूल्यांकन केले आणि दावा केला की, 2019 मध्ये चीनच्या वुहान शहरातील प्रयोगशाळेतून व्हायरस लीक झाला होता. तर अमेरिकेने दावा केला की चीनने हे “जाणूनबुजून” सांगितले नाही, यामुळे जगभरात कोट्यवधी लोक मरण पावले.