गलवान खोऱ्यावर चीनचा पुन्हा दावा, चिनी सैनिकांनी ध्वज फडकावला, राहुल गांधी म्हणाले- ‘मोदीजी, मौन सोडा!’

By, shreekant patil - January 3, 2022 03:11:38

0

China reclamation of the Galvan Valley, Chinese troops hoisted the flag, Rahul Gandhi said Modiji, leave silence

Galvan Valley : नववर्षाच्या मुहूर्तावर चीनसोबतचे संबंध सुरळीत करण्याच्या आशेवर असलेल्या भारताला पुन्हा एकदा झटका बसला आहे. चीनने पुन्हा एकदा आपल्या गलवान खोऱ्यावर दावा केला आहे. 1 जानेवारी 2022 रोजी चिथावणीखोर कारवाईत चीनने गलवान खोऱ्यात आपला राष्ट्रीय ध्वज उभारला. यानंतर चीनच्या प्रचार यंत्रणेसह सार्वजनिक माध्यमांनी हा व्हिडिओ सोशल मीडियावर व्हायरल करण्यास सुरुवात केली. China reclamation of the Galvan Valley, Chinese troops hoisted the flag, Rahul Gandhi said Modiji, leave silence

वृत्तसंस्था

नवी दिल्ली : नववर्षाच्या मुहूर्तावर चीनसोबतचे संबंध सुरळीत करण्याच्या आशेवर असलेल्या भारताला पुन्हा एकदा झटका बसला आहे. चीनने पुन्हा एकदा आपल्या गलवान खोऱ्यावर दावा केला आहे. 1 जानेवारी 2022 रोजी चिथावणीखोर कारवाईत चीनने गलवान खोऱ्यात आपला राष्ट्रीय ध्वज उभारला. यानंतर चीनच्या प्रचार यंत्रणेसह सार्वजनिक माध्यमांनी हा व्हिडिओ सोशल मीडियावर व्हायरल करण्यास सुरुवात केली.

गलवानमधील चीनच्या या कृतीचा प्रभाव नवी दिल्लीतही जाणवला. विरोधी पक्षांनी केंद्रातील नरेंद्र मोदी सरकारवर जोरदार हल्ला चढवला आणि विचारले की, पीएम मोदी गलवानवर मौन कधी सोडणार?”

In the Galwan Valley near the border with #India, under the characters “Never yield an inch of land,” PLA soldiers send new year greetings to Chinese people on January 1, 2022. pic.twitter.com/NxHwcarWes

— Global Times (@globaltimesnews) January 1, 2022

विश्वासघातकी चीन

विश्वासघातासाठी कुप्रसिद्ध असलेल्या चीनने पूर्व लडाखमधील डेमचोक आणि हॉट स्प्रिंग भागात भारतीय सैनिकांना नवीन वर्षाच्या निमित्ताने भेट दिली. दोन्ही देशांच्या नात्यातील बर्फ अखेर वितळत असल्याचे दिसत होते. मात्र, काही तासांनंतर चीनचे वास्तव समोर आले.

ग्लोबल टाईम्सने गलवानमध्ये चिनी सैनिकांनी केलेल्या ध्वजारोहणाचे कौतुक करताना लिहिले आहे की, “गलवान व्हॅलीमध्ये, जिथे लिहिले होते, एक इंचही जमीन कधीही सोडू नका, 1 जानेवारी रोजी पीएलए सैनिकांनी चिनी लोकांना संदेश दिला.”

गलवानवर बढाई मारली, तियानमेन चौकाचा उल्लेख

🇨🇳China’s national flag rise over Galwan Valley on the New Year Day of 2022.

This national flag is very special since it once flew over Tiananmen Square in Beijing. pic.twitter.com/fBzN0I4mCi

— Shen Shiwei 沈诗伟 (@shen_shiwei) January 1, 2022

याच कार्यक्रमाचा व्हिडिओ ट्विटरवर शेअर करत चीनचे अधिकृत माध्यम व्यक्ती शेन सिवेई यांनी लिहिले की, “चीनचा राष्ट्रध्वज 2022 च्या पहिल्या दिवशी गलवान व्हॅलीवर फडकवण्यात आला होता, हा ध्वज खूप खास आहे कारण हा ध्वज एकदा तियानमन येथे फडकवण्यात आला होता.” तियानमन स्क्वेअर हे चीनमधील तेच ठिकाण आहे जिथे चीनने एकदा लोकशाही समर्थक विद्यार्थ्यांवर गोळ्या झाडल्या होत्या. या घटनेत असंख्य लोक मारले गेले.

गलवानमध्येच चिनीची दगाबाजी

2020 मध्ये गलवान व्हॅलीमध्ये चिनी सैनिकांनी भारतीय जवानांवर हल्ला केला होता. भारतीय सैनिकांचा एक गट अवैध धंद्यावर चिनी सैनिकांशी चर्चा करण्यासाठी गेला होता. त्यानंतर चिनी सैनिकांनी अचानक भारतीय जवानांवर हल्ला केला. या अनपेक्षित हल्ल्यासाठी भारताचे सैनिक तयार नव्हते, पण त्यांनी त्याला चोख प्रत्युत्तर दिले. आणि अनेक चिनी सैनिकांचा खात्मा केला. या हल्ल्यात 15 भारतीय जवान शहीद झाले होते. चीनने अनेक महिने आपल्या सैनिकांच्या मृत्यूचे खंडन केले.

व्हिडिओ व्हायरल झाल्यानंतर वादाला सुरुवात

शेन सिवेईने ट्विट केलेला हा व्हिडिओ सोशल मीडियावर व्हायरल झाला आहे. यावरून भारतातील विरोधी पक्षांनी पंतप्रधान मोदींवर जोरदार हल्ला चढवला आहे. काँग्रेस नेते राहुल गांधी यांनी ट्विट केले की, “गलवानवर आपला तिरंगाच चांगला दिसत आहे. चीनला उत्तर द्यावे लागेल. मोदी जी, मौन सोडा!”

गलवान पर हमारा तिरंगा ही अच्छा लगता है।

चीन को जवाब देना होगा।
मोदी जी, चुप्पी तोड़ो!

— Rahul Gandhi (@RahulGandhi) January 2, 2022

चीनने अरुणाचलच्या १५ ठिकाणांची नावेही बदलली

चीन भारतासोबत सातत्याने चिथावणीखोर कारवाई करत आहे. अलीकडेच चीनने अरुणाचल प्रदेशातील १५ ठिकाणांचे नाव बदलले आहे. चीनच्या या कृतीवर भारताने अरुणाचल हा भारताचा अविभाज्य भाग असल्याचे स्पष्ट शब्दांत सांगितले होते. परराष्ट्र मंत्रालयाचे प्रवक्ते अरिंदम बागची यांनी 30 डिसेंबर रोजी दिलेल्या निवेदनात म्हटले आहे की, “आम्ही असे रिपोर्ट्स पाहिले आहेत, चीनने अरुणाचल प्रदेश राज्यातील ठिकाणांची नावे बदलण्याचा प्रयत्न करण्याची ही पहिलीच वेळ नाही. एप्रिल 2017 मध्येही चीननेही असे केले आहे. अरुणाचल प्रदेश नेहमीच भारताचा अविभाज्य भाग आहे आणि राहील. अरुणाचल प्रदेशातील ठिकाणांवर शोधलेली नावे लादल्याने ही वस्तुस्थिती बदलत नाही.”

China reclamation of the Galvan Valley, Chinese troops hoisted the flag, Rahul Gandhi said Modiji, leave silence

महत्त्वाच्या बातम्या