डेराप्रमुख गुरमित राम रहीम आणखी एका हत्या प्रकरणात दोषी, रणजीत सिंह खून प्रकरणात सीबीआय न्यायालयाचा मोठा निर्णय

डेरा प्रमुख राम रहीमवर सुरू असलेल्या रणजीत हत्या प्रकरणात सीबीआय कोर्टाने मोठा निकाल दिला आहे. सुनारिया कारागृहात बंद असलेल्या राम रहीमसह पाच आरोपींना दोषी ठरवण्यात आले आहे. सीबीआयचे विशेष न्यायालय 12 ऑक्टोबर रोजी सर्व दोषींना शिक्षा जाहीर करणार आहे. CBI Special court in Haryana convicts Dera Sacha Sauda Gurmeet Ram Rahim in the Ranjit Singh murder case


प्रतिनिधी

चंदिगड : डेरा प्रमुख राम रहीमवर सुरू असलेल्या रणजीत हत्या प्रकरणात सीबीआय कोर्टाने मोठा निकाल दिला आहे. सुनारिया कारागृहात बंद असलेल्या राम रहीमसह पाच आरोपींना दोषी ठरवण्यात आले आहे. सीबीआयचे विशेष न्यायालय 12 ऑक्टोबर रोजी सर्व दोषींना शिक्षा जाहीर करणार आहे.

बाबा राम रहीमवर डेरा व्यवस्थापक रणजीत सिंहच्या हत्येचा आरोप आहे. या प्रकरणात बाबा राम रहीमसह, कृष्ण लाल, जसवीर सबदील आणि अवतार हेही आरोपी आहेत. गुरमीत राम रहीम आधीच रोहतकच्या सुनारिया तुरुंगात दोन साध्वींवर बलात्कार आणि पत्रकार रामचंद्र छत्रपती हत्या प्रकरणात जन्मठेपेची शिक्षा भोगत आहे.

अंतिम युक्तिवादानंतर निर्णय

18 ऑगस्ट रोजी या प्रकरणाच्या सुनावणीदरम्यान बचाव पक्षाने अंतिम युक्तिवादाची सर्व कागदपत्रे सीबीआय न्यायालयात सादर केली होती. सीबीआय कोर्टाने बचाव पक्ष आणि सीबीआयच्या बाजूने विचारले होते की, यात इतर कोणत्याही युक्तिवाद कोणत्याही पक्षाने करायचा आहे का, हे दोन्ही पक्षांनी नाकारले.

अपमान प्रकरणात क्लीन चिट नाही

दुसरीकडे, पंजाब पोलिसांनी 2015 मध्ये गुरु ग्रंथ साहिबच्या अपमानामध्ये डेरा सच्चा सौदा प्रमुख गुरमीत राम रहीम सिंगला क्लीन चिट दिल्याचे वृत्त फेटाळून लावले. पंजाबच्या पोलीस प्रमुखपदाचा अतिरिक्त कार्यभार सांभाळणाऱ्या इक्बाल प्रीतसिंग सहोता यांच्या संदर्भातील काही वृत्तांमध्ये हे विधान आले आहे. २०१५च्या अपमान प्रकरणांची चौकशी करण्यासाठी विशेष तपास पथकाचे (एसआयटी) नेतृत्व करताना त्याने राम रहीमला क्लीन चिट दिल्याचा आरोप बातम्यांमध्ये करण्यात आला आहे.

CBI Special court in Haryana convicts Dera Sacha Sauda Gurmeet Ram Rahim in the Ranjit Singh murder case

महत्त्वाच्या बातम्या