केरळमध्ये हाऊसबोट बुडाल्याने 18 जणांचा मृत्यू, पंतप्रधान मोदींनी व्यक्त केले दुःख, मृतांच्या वारसांना मदत जाहीर15 dead as houseboat sinks in Kerala

केरळमध्ये हाऊसबोट बुडाल्याने 21 जणांचा मृत्यू, पंतप्रधान मोदींनी व्यक्त केले दुःख, मृतांच्या वारसांना मदत जाहीर

वृत्तसंस्था

तिरुवनंतपुरम : केरळमधील मलप्पुरम जिल्ह्यातील तनूर भागातील ओट्टुमपुरमजवळ रविवारी (7 मे) संध्याकाळी एक हाउसबोट बुडाली. यात लहान मुलांसह 21 जणांचा मृत्यू झाला. घटनास्थळी बचावकार्य सुरू आहे. एएनआय या वृत्तसंस्थेला याला दुजोरा देताना केरळचे मंत्री व्ही अब्दुरहमान यांनी सांगितले की, बोट दुर्घटनेतील मृतांची संख्या 21 झाली आहे.

या अपघातावर शोक व्यक्त करत पंतप्रधान नरेंद्र मोदी यांनी नुकसान भरपाई जाहीर केली आहे. केरळमधील मलप्पुरम येथे झालेल्या बोट दुर्घटनेत लोकांच्या मृत्यूने मी दुखावलो आहे, असे ट्विट पंतप्रधानांनी केले आहे. शोकग्रस्त कुटुंबियांच्या सांत्वना. PMNRF कडून 2 लाख रुपये प्रत्येक मृताच्या नातेवाईकांना जाहीर करण्यात आले आहेत.

Pained by the loss of lives due to the boat mishap in Malappuram, Kerala. Condolences to the bereaved families. An ex-gratia of Rs. 2 lakh from PMNRF would be provided to the next of kin of each deceased: PM @narendramodi

— PMO India (@PMOIndia) May 7, 2023

बोटीत होते 25 जण

पोलिसांनी सांगितले की, अपघातस्थळावरून मिळालेल्या प्राथमिक माहितीनुसार, बोटीवर सुमारे 25 प्रवासी होते, त्यापैकी 21 जणांचा मृत्यू झाला, तर अनेकांना जवळच्या खाजगी आणि सरकारी रुग्णालयात दाखल करण्यात आले. सायंकाळी 7 वाजण्याच्या सुमारास ही घटना घडल्याचे त्यांनी सांगितले.

केरल: मलप्पुरम ज़िले के तनूर के पास एक पर्यटक नाव पलट गई। रेस्क्यू ऑपरेशन अब भी जारी है। अब तक 21 लोगों के मृत्यु की हो चुकी है।

(वीडियो देर रात किए गए सर्च ऑपरेशन का है) pic.twitter.com/3sAPE0E5QT

— ANI_HindiNews (@AHindinews) May 8, 2023

बचाव कार्य सुरू

अनेक रुग्णवाहिका, अग्निशमन दलाचे जवान आणि स्वयंसेवकांसह बचावकार्य सुरू असल्याची माहितीही पोलिसांनी दिली. अपघाताचे कारण अद्याप समजू शकले नसून बुडालेली बोट किनाऱ्यावर आणण्याचे प्रयत्न सुरू असल्याचे त्यांनी सांगितले. केरळचे पर्यटन मंत्री मोहम्मद रियास कोझिकोडहून घटनास्थळी रवाना झाले आहेत.