दक्षिण आफ्रिकेतून आणखी १२ चित्ते भारतात दाखल; कुनो अभयारण्यातील चित्त्यांची संख्या वाढली

By, Pravin Wankhade - February 18, 2023 02:02:35

0

वृत्तसंस्था

ग्वाल्हेर : दक्षिण आफ्रिकेतून शनिवारी 12 चित्ते मध्य प्रदेशातील ग्वाल्हेर विमानतळावर दाखल झाले आहेत. या चित्त्यांना भारतीय हवाई दलाच्या सी-17 ग्लोबमास्टर कार्गो विमानातून आणण्यात आले. ग्वाल्हेर विमानतळाहून या चित्त्यांना ‘द कुनो नॅशनल पार्क’ या त्यांच्या नवीन घरी नेण्यात येईल, अशी माहिती अधिकाऱ्यांनी दिली. 12 more leopards enter India from South Africa

दक्षिण आफ्रिका आणि भारतात सामंजस्य करार

यासंदर्भात चित्ता प्रकल्प प्रमुख, एस.पी. यादव म्हणाले की, शुक्रवारी रात्री 8.30 वाजता या 12 चित्त्यांना घेऊन सी-17 ग्लोबमास्टर या विमानाने जोहान्सबर्ग विमानाने उड्डाण केले. हे विमान शनिवारी सकाळी 10 वाजता ग्वाल्हेरच्या विमानतळावर लँड झाले. दक्षिण आफ्रिका आणि भारत सरकार यांच्यात झालेल्या सामंजस्य कराराच्या आधारे चित्ता रीइंट्रोडक्शन प्रकल्पाचा भाग म्हणून चित्ते भारतात आणले जात आहेत. सामंजस्य करार भारतात व्यवहार्य आणि सुरक्षित चित्ता लोकसंख्या स्थापन करण्यासाठी दोन्ही देशांमध्ये सामंजस्य करार करण्यात आला आहे.

#WATCH दक्षिण अफ्रीका से 12 चीतों को लेकर भारतीय वायु सेना (IAF) का C-17 ग्लोबमास्टर विमान मध्य प्रदेश के ग्वालियर पहुंचा। pic.twitter.com/sZoD6sT3NF

— ANI_HindiNews (@AHindinews) February 18, 2023

मध्य प्रदेशचे मुख्यमंत्री शिवराज सिंह चौहान यांनी चित्त्यांच्या आगमनाबद्दल आणि कुनो नॅशनल पार्कमध्ये चित्त्यांची संख्या वाढवल्याबद्दल पंतप्रधान नरेंद्र मोदी यांचे आभार मानले. गेल्या वर्षी सप्टेंबरमध्ये नामिबियातून 8 चित्ते भारतात आणण्यात आले होते. आता त्यात 12 चित्त्यांची भर पडल्यामुळे राज्यातील चित्त्यांची एकूण संख्या 20 झाली आहे. यासंदर्भात मुख्यमंत्री चौहान म्हणाले की, राज्यातील कुनो नॅशनल पार्कमध्ये चित्त्यांची संख्या वाढणार आहे. मी पंतप्रधान मोदींचे मनापासून आभार मानतो, ही त्यांची दूरदृष्टी आहे, असे मुख्यमंत्री चौहान यांनी सांगितले.

#WATCH मध्य प्रदेश के मुख्यमंत्री शिवराज सिंह चौहान ने दक्षिण अफ्रीका से लाए गए 12 चीतों की दूसरी खेप को मध्य प्रदेश के कूनो नेशनल पार्क में छोड़ा। pic.twitter.com/tTwRXFPZ6d

— ANI_HindiNews (@AHindinews) February 18, 2023