वाय. एस. शर्मिला रेड्डी आंध्र काँग्रेसच्या प्रदेशाध्यक्षपदी; तर शांतपणे पद सोडल्याबद्दल गिड्डीऊ रुद्र राजू काँग्रेस कार्यकारिणीच्या विशेष निमंत्रकपदी!!|Y. S. Sharmila Reddy as state president of Andhra Congress; Giddiu Rudra Raju as Special Convener of Congress Executive for quietly resigning!!

वाय. एस. शर्मिला रेड्डी आंध्र काँग्रेसच्या प्रदेशाध्यक्षपदी; तर शांतपणे पद सोडल्याबद्दल गिड्डीऊ रुद्र राजू काँग्रेस कार्यकारिणीच्या विशेष निमंत्रकपदी!!

विशेष प्रतिनिधी

नवी दिल्ली : तेलंगणा मधला आपला प्रादेशिक पक्ष काँग्रेसमध्ये विलीन करणाऱ्या वाय. एस. शर्मिला रेड्डी यांची काँग्रेस अध्यक्ष मल्लिकार्जुन खरगे यांनी आंध्र प्रदेश काँग्रेसच्या प्रदेशाध्यक्षपदी नियुक्ती केली आहे, तर निवर्तमान प्रदेशाध्यक्ष रुद्र राजू यांनी शांतपणे पद सोडल्याबद्दल त्यांची काँग्रेस कार्यकारिणीच्या निमंत्रक पदी नियुक्ती करण्यात आली आहे.Y. S. Sharmila Reddy as state president of Andhra Congress; Giddiu Rudra Raju as Special Convener of Congress Executive for quietly resigning!!

सीएम जगन मोहन रेड्डी यांची बहीण वायएस शर्मिला काँग्रेसशी हातमिळवणी करणार, तेलंगणात चर्चांना उधाण

YS Sharmila Reddy appointed as the president of the Andhra Pradesh Congress with immediate effect. Outgoing president Gidigu Rudra Raju to be the Special Invitee to the Congress Working Committee. pic.twitter.com/KdjlduDldS

— ANI (@ANI) January 16, 2024

उत्तर भारताल्या राज्यांमध्ये आणि महाराष्ट्रात काँग्रेसमध्ये प्रचंड गळती लागली असताना तेलंगण आणि आंध्रामध्ये काँग्रेसला फायदा झाला. तेलंगणात पक्षाची सत्ता आली, तर ती सत्ता आल्याबरोबर काँग्रेसचे दिग्गज नेते आणि अखंड आंध्र प्रदेशचे शेवटचे मुख्यमंत्री दिवंगत वाय. एस. राजशेखर रेड्डी यांची कन्या वाय. एस. शर्मिला यांनी आपला प्रादेशिक पक्ष काँग्रेसमध्ये विलीन केला. या विलीनीकरणाची बक्षिसी त्यांना महिनाभराच्या आतच मिळाली. काँग्रेस अध्यक्ष मल्लिकार्जुन खर्गे यांनी त्यांची नियुक्ती आंध्र प्रदेश काँग्रेसच्या प्रदेशाध्यक्षपदी करून त्यांचा त्यांच्या भावाविरुद्ध म्हणजेच मुख्यमंत्री वाय. एस. जगमोहन रेड्डी यांच्याविरुद्ध लढाई करण्याचा मार्ग प्रशस्त केला.

त्याचवेळी वाय. एस. शर्मिला यांच्यासाठी आपल्या हातातले प्रदेशाध्यक्ष पद निमुटपणे सोडणारे गिड्डीऊ रुद्र राजू यांना देखील त्यांनी पद शांतपणे सोडले म्हणून त्यांची नियुक्ती काँग्रेस कार्यकारणीवर विशेष निमंत्रक म्हणून करण्यात आली. एरवी काँग्रेसमध्ये कुठलाही नेता कोणतेही पद सहजासहजी सोडायला तयार होत नाही. पण गिड्डीऊ रुद्र राजू यांनी काँग्रेस हायकमांडचा आदेश येताच प्रदेशाध्यक्ष पद सोडले म्हणून त्यांना बढती देऊन काँग्रेस कार्यकारिणी मध्ये विशेष निमंत्रकपदी नेमले आहे.