'2024 ची निवडणूक भाजपसोबत लढणार', अमित शाह यांची भेट घेतल्यानंतर जीतनराम मांझींची घोषणा! Will fight 2024 election with BJP Jitanram Manjhi announced after meeting Amit Shah

‘2024 ची निवडणूक भाजपसोबत लढणार’, अमित शाह यांची भेट घेतल्यानंतर जीतनराम मांझींची घोषणा!

काही दिवस दिल्लीत राहून एनडीएच्या नेत्यांच्या भेटी घेणार असल्याचेही सांगितले.

विशेष प्रतिनिधी

नवी दिल्ली : 2024 मध्ये होणाऱ्या लोकसभा निवडणुकीसाठी राजकीय पक्ष युती करत आहेत. 23 जून रोजी बिहारमध्ये विरोधी ऐक्यासाठी एक मोठी बैठक होणार असताना, बिहारचे माजी मुख्यमंत्री आणि हिंदुस्थानी अवाम मोर्चा (एचएएम) प्रमुख जीतन राम मांझी यांनी आज (बुधवार) गृहमंत्री अमित शाह यांची 45 मिनिटे भेट घेतली. यावेळी जीतनराम मांझी म्हणाले की, HAM तत्वतः भाजपसोबत आहे. आमचा पक्ष 2024 च्या निवडणुका भाजपसोबत लढणार आहे. Will fight 2024 election with BJP Jitanram Manjhi announced after meeting Amit Shah

बिहारमधील नितीश कुमार यांच्या नेतृत्वाखालील सरकारचा पाठिंबा काढून घेतल्यानंतर दोन दिवसांनी जीतन राम मांझी यांनी अमित शाह यांची त्यांच्या निवासस्थानी भेट घेतली. HAM ने सोमवारी बिहारमधील काँग्रेस, RJD आणि JD(U) च्या महाआघाडी सरकारला पाठिंबा काढून घेतला होता. जीतन राम मांझी म्हणाले की, ते पुढील काही दिवस दिल्लीत राहणार असून यादरम्यान ते एनडीएच्या नेत्यांना भेटण्याचा प्रयत्न करणार आहेत.

खरं तर, नितीश कुमार यांनी अलीकडेच बिहारचे माजी मुख्यमंत्री जीतन राम मांझी यांच्यावर भारतीय जनता पक्षाच्या (भाजप) फायद्यासाठी “महाआघाडीच्या सहकार्यांची हेरगिरी” केल्याचा आरोप केला आणि ते म्हणाले की त्यांची बाहेर पडणे ही चांगली गोष्ट आहे.

Former Bihar CM Jitan Ram Manjhi and Hindustani Awam Morcha President, Santosh Suman meet Union Home Minister and BJP leader Amit Shah in Delhi pic.twitter.com/C3h1sDAyaN

— ANI (@ANI) June 21, 2023

नितीश कुमार यांनी असेही म्हटले होते, की मांझी यांना 23 जून रोजी विरोधी पक्षांच्या बैठकीत भाग घ्यायचा होता, परंतु परिषदेचे तपशील नंतर भाजपाला लीक होण्याची भीती होती. मांझी यांचा मुलगा आणि पक्षाचे राष्ट्रीय अध्यक्ष संतोष सुमन यांनी सांगितले होते की, ते पर्याय शोधण्यासाठी दिल्लीत येतील आणि भाजपाच्या नेतृत्वाखालील आघाडीने त्यांना निमंत्रण दिल्यास एनडीएच्या निमंत्रणाचा विचार करण्यास ते तयार आहेत. तिसरी आघाडी स्थापन करण्याचा पर्यायही आम्ही खुला ठेवत असल्याचेही ते म्हणाले होते.