Delhi : ‘दिल्लीत एकट्याने निवडणूक लढवणार’, केजरीवालांची घोषणा; आप-काँग्रेस युती होणार नाही

By, Pravin Wankhade - December 11, 2024 04:00:12

0

2015 च्या विधानसभा निवडणुकीत आम आदमी पार्टीला 70 पैकी 67 जागा मिळाल्या होत्या.

विशेष प्रतिनिधी

नवी दिल्ली : Delhi दिल्लीत पुढील वर्षी फेब्रुवारीमध्ये होणाऱ्या निवडणुकांबाबत आम आदमी पार्टीने (आप) मोठी घोषणा केली आहे. केजरीवाल यांनी बुधवारी त्यांच्या X खात्यावर पोस्ट केले की ते दिल्लीत एकट्याने निवडणूक लढवणार आहेत.Delhi

काँग्रेस आणि आप यांच्यात आघाडीसाठीचा करार अंतिम टप्प्यात असल्याच्या बातम्या यापूर्वी येत होत्या. काँग्रेसला 15 जागा मिळू शकतात आणि इतर I.N.D.I.A. आघाडीच्या सदस्यांना 1 किंवा 2 जागा मिळू शकतात. उर्वरित जागांवर आम आदमी पक्षच निवडणूक लढवणार आहे. मात्र आता आम आदमी पार्टी दिल्लीत एकट्याने निवडणूक लढवणार असल्याचे चित्र ‘आप’ने स्पष्ट केले आहे.

Devendra Fadnavis : पुणे पुस्तक महोत्सवाचे मुख्यमंत्री देवेंद्र फडणवीस यांच्या हस्ते शनिवारी उद्घाटन

युतीबाबत मंगळवारी रात्री I.N.D.I.A च्या नेत्यांमध्ये बैठक झाली. त्यानंतरच बुधवारी केजरीवाल यांनी एकट्याने निवडणूक लढवण्याची घोषणा केली आहे. दिल्ली निवडणुकीसाठी सर्वच पक्षांनी जोरदार तयारी केली आहे. आम आदमी पार्टीने (आप) सोमवारी (9 डिसेंबर) आपल्या 20 उमेदवारांची यादी जाहीर केली. यापूर्वी ‘आप’ने 11 उमेदवारांची पहिली यादी जाहीर केली होती.

त्याच वेळी, दिल्लीत 2015 च्या विधानसभा निवडणुकीत आम आदमी पार्टीला 70 पैकी 67 जागा मिळाल्या, तर भाजपला फक्त तीन जागा मिळाल्या. विशेष म्हणजे दिल्लीत काँग्रेसला एकही जागा मिळाली नाही.