पश्चिम बंगालचे मंत्री ज्योतिप्रिय मलिक यांना अटक; रेशन घोटाळ्यातील आरोपी, ईडीने 20 तास 8 ठिकाणी घेतली झडती|West Bengal Minister Jyotipriya Malik Arrested; Accused in ration scam, ED searched 8 places for 20 hours

पश्चिम बंगालचे मंत्री ज्योतिप्रिय मलिक यांना अटक; रेशन घोटाळ्यातील आरोपी, ईडीने 20 तास 8 ठिकाणी घेतली झडती

वृत्तसंस्था

कोलकाता : अंमलबजावणी संचालनालयाने (ईडी) शुक्रवारी पश्चिम बंगालचे वनमंत्री ज्योतिप्रिय मलिक यांना अटक केली आहे. गुरुवारी सकाळी आठच्या सुमारास ईडीचे पथक मलिक यांच्या घरी पोहोचले. 20 तास ईडीने मलिक यांच्या घरासह इतर 7 ठिकाणी सर्च ऑपरेशन राबवले.West Bengal Minister Jyotipriya Malik Arrested; Accused in ration scam, ED searched 8 places for 20 hours

अखेर शुक्रवारी पहाटे चार वाजता मलिक यांना रेशन घोटाळ्याच्या आरोपाखाली अटक करण्यात आली. अटकेनंतर प्रसारमाध्यमांशी बोलताना मलिक म्हणाले की, तो एका कटाचा बळी आहे. वन मंत्रालयापूर्वी मलिक यांच्याकडे अन्न आणि नागरी पुरवठा विभागाचा कार्यभार होता.

पश्चिम बंगाल : मंत्री फिरहाद हकीम यांच्या निवासस्थानावर CBIचा छापा; जाणून घ्या काय आहे कारण?

ज्योतिप्रिय मलिक यांचे नाव रेशन घोटाळ्यात कसे समोर आले

सूत्रांनी दिलेल्या माहितीनुसार, उद्योगपती बाकीबुर रहमानच्या अटकेनंतर केंद्रीय तपास यंत्रणेने मलिकच्या घरावर छापा टाकला. ईडीने कैखली येथील त्याच्या फ्लॅटवर 53 तास चाललेल्या छाप्यानंतर रेहमानला गेल्या आठवड्यात अटक करण्यात आली होती.

रेहमानच्या फ्लॅटमध्ये सरकारी कार्यालयांचे शिक्के असलेली 100 हून अधिक कागदपत्रे सापडली आहेत. राईस मिलच्या व्यवसायाव्यतिरिक्त रहमानकडे अनेक हॉटेल्स, रिसॉर्ट्स आणि बार आहेत.

पश्चिम बंगालच्या मंत्र्यावर काय आरोप?

ईडीच्या सूत्रांनी सांगितले की, रहमानच्या कंपन्यांमध्ये 50 कोटी रुपयांहून अधिक गुंतवणूक करण्यात आली होती. कोविड-19 लॉकडाऊनदरम्यान राज्यातील सार्वजनिक वितरण व्यवस्थेत अनेक अनियमितता आणि रेशन वितरणात मोठ्या प्रमाणात भ्रष्टाचार झाल्याचा आरोप करण्यात आला आहे. त्यावेळी मलिक अन्न व नागरी पुरवठा खात्याचे मंत्री होते.