Bangladesh : बांगलादेशात विद्यार्थी आंदोलन परदेशी फंडिंगवर होते? नेत्यांनी क्रिप्टोमध्ये कोट्यवधींची गुंतवणूक केली

By, Pravin Wankhade - March 22, 2025 04:00:01

0

वृत्तसंस्था

नवी दिल्ली : Bangladesh बांगलादेशातील कथित विद्यार्थी आंदोलनामागे परदेशी निधीचे मोठे दुवे समोर आले आहेत. या आंदोलनाला मोठ्या प्रमाणात परदेशी निधी मिळाला होता, असे तपासात समोर आले आहे. त्यांच्या नेत्यांनी केलेल्या मोठ्या क्रिप्टो गुंतवणुकीमुळे मनी लाँड्रिंगची भीती निर्माण झाली आहे.Bangladesh

एडीएसएम नेते आणि ‘जातीय नागरिक समिती’चे संस्थापक सरजीस आलम यांनी क्रिप्टोकरन्सी टिथरमध्ये $७.६५ मिलियन (६५ कोटी रुपये) गुंतवणूक केली. अगदी सामान्य कुटुंबातून आलेले असल्याने, इतकी मोठी संपत्ती निर्माण करणे हे बेकायदेशीर परदेशी निधीकडे निर्देश करते.

मनी लाँडरिंगचा संशय

अंतरिम सरकारमधील आयटी सल्लागार आणि एडीएसएम समन्वयक नाहिद इस्लाम यांनी २०४.६४ बिटकॉइन्स (बीटीसी) गुंतवले आहेत, ज्यांचे मूल्य $१७.१४ मिलियन (१४७ कोटी रुपये) आहे. या प्रचंड गुंतवणुकीमुळे त्याच्या पैशाच्या स्रोताबद्दल गंभीर प्रश्न उपस्थित झाले आहेत.

Rohit Pawar राष्ट्रवादी काँग्रेसचे आमदार निवडून आले दहा; पण आजोबा कसे आणि किती लढले, नातवाने सांगितले पाहा!!

सीटीजी विद्यापीठाशी संबंधित एडीएसएम लीडर खान तलत महमूद रफी यांनी १ मिलियन डॉलर्स (८.६० कोटी रुपये) किमतीचे ११,०९४ बिटकॉइन गुंतवले. श्रीमंत कुटुंबाची पार्श्वभूमी माहीत नसतानाही एवढी मोठी गुंतवणूक मनी लॉन्ड्रिंगची शक्यता निर्माण करते.

मीडियाचे लोकही या सापळ्यात सामील

प्रिन्सिपल अ‍ॅडव्हायझरचे प्रेस सेक्रेटरी आणि पत्रकार शफीकुल आलम यांच्याकडे ९३.०६ बिटकॉइन ($१० मिलियन, ८६ कोटी रुपये) आहेत. यावरून हे स्पष्ट होते की चळवळीशी संबंधित मीडियाचे लोक देखील या परदेशी निधी नेटवर्कचा भाग होते.

एकेकाळी बदलासाठी विद्यार्थ्यांच्या नेतृत्वाखालील प्रयत्न म्हणून पाहिले जाणारे बांगलादेश आंदोलन आता परकीय निधीच्या आरोपांना सामोरे जात आहे. क्रिप्टो गुंतवणुकीमुळे या मोठ्या आर्थिक अनियमितता उघड झाल्या आहेत.

गेल्या वर्षी ही चळवळ सुरू झाली होती.

गेल्या वर्षी ऑगस्टमध्ये विद्यार्थ्यांनी आरक्षणाविरुद्ध आंदोलन सुरू केले ज्यामुळे अखेर पंतप्रधान शेख हसीना यांचे सरकार कोसळले. देशाची सूत्रे काही काळासाठी अंतरिम सरकारच्या हाती आली. दरम्यान, निवडणुका होतील आणि एक नवीन लोकशाही सरकार सत्तेत येईल अशी आशा होती पण अद्याप तसे झालेले नाही. सरकार पाडणाऱ्या विद्यार्थ्यांनी एक राजकीय पक्ष स्थापन केला आहे.