Bangladesh : बांगलादेशात पुन्हा हिंसाचार उफाळला, कॉक्स बाजार एअरबेसवर दंगलखोरांचा हल्ला

By, Pravin Wankhade - February 24, 2025 09:00:01

0

हिंसाचारात एका व्यक्तीचा मृत्यू झाला आहे

विशेष प्रतिनिधी

ढाका : Bangladesh बांगलादेशात पुन्हा एकदा हिंसाचार उफाळून आला आहे. कॉक्स बाजार एअरबेसवर हल्लेखोरांनी हल्ला केला आहे. कॉक्स बाजार येथील हवाई दलाच्या तळावर झालेल्या हिंसाचारात एका व्यक्तीचा मृत्यू झाला आहे. मृत व्यक्तीची ओळख शिहाब कबीर नाहिद (२५) अशी झाली आहे, जो समितीपारा येथील रहिवासी होता.Bangladesh

ज्याचे मंत्री, त्याचे निर्णय भाजप महायुतीची पॉलिसी; पण बदनामी होत चाललीय फडणवीस सरकारची!

कॉक्स बाजार रुग्णालयाचे निवासी वैद्यकीय अधिकारी सबुक्तगीन महमूद शोहेल यांनी सांगितले की, २५ वर्षीय पुरूषाला मृतावस्थेत रुग्णालयात आणण्यात आले. वैद्यकीय अधिकाऱ्यांनी सांगितले की, त्या व्यक्तीच्य डोक्याच्या मागच्या बाजूला खोलवर जखमा झाल्या आहेत. मृतदेहाचे शवविच्छेदन झाल्यानंतर मृत्यूचे कारण स्पष्ट होईल.

यापूर्वी, आयएसपीआरने एक अधिसूचना जारी केली होती ज्यामध्ये म्हटले होते की कॉक्स बाजार येथील हवाई दलाच्या तळावर समितीपारा येथील काही बदमाशांनी अचानक हल्ला केला. आयएसपीआरच्या सहाय्यक संचालक आयेशा सिद्दिका म्हणाल्या की, हवाई दल या संदर्भात आवश्यक ती कारवाई करत आहे.