उज्ज्वल निकमांना देशद्रोही म्हणणारे विजय वडेट्टीवार अडचणीत; माघार घेताना दिला एस. एम. मुश्रीफांचा हवाला!! Vijay Vadettiwar who called Ujjwal Nikam a traitor is in trouble

उज्ज्वल निकमांना देशद्रोही म्हणणारे विजय वडेट्टीवार अडचणीत; माघार घेताना दिला एस. एम. मुश्रीफांचा हवाला!!

विशेष प्रतिनिधी

मुंबई : प्रख्यात वकील उज्ज्वल निकम यांना थेट देशद्रोही म्हणणारे काँग्रेसचे वरिष्ठ नेते आणि विधानसभेचे विरोधी पक्षनेते विजय एका झटक्यात कायदेशीर दृष्ट्या अडचणीत आले आणि त्यांना माघार घ्यावी लागली. पण ही माघार घेताना वडेट्टीवार यांनी माजी पोलिस अधिकारी एस. एम. मुश्रीफ यांचा हवाला दिला. Vijay Vadettiwar who called Ujjwal Nikam a traitor is in trouble

ज्येष्ठ सरकारी वकील आणि उत्तर मध्य मुंबईतले भाजपचे उमेदवार उज्ज्वल निकम हे देशद्रोही असल्याचा खळबळजनक आरोप विजय वडेट्टीवार यांनी काल केला. पोलीस अधिकारी हेमंत करकरे यांना मुंबई हल्ल्याच्या वेळी लागलेली गोळी दहशतवादी अजमल कसाबची नव्हती, तर संघाच्या एका पदाधिकाऱ्याची होती आणि त्याला वाचवण्यासाठी उज्ज्वल निकम यांनी सगळी वकिली ताकद पणाला लावली होती. त्यामुळे ते देशद्रोही ठरतात, असा आरोप वडेट्टीवार यांनी केला होता.

#WATCH | Kolhapur, Maharashtra: On his reported statement about the killing of former Maharashtra ATS chief Hemant Karkare, Congress leader Vijay Wadettiwar says, "Those are not my words, I just said what was written in the book by SM Mushrif. Every information was there about… pic.twitter.com/avLzLZRbqL

— ANI (@ANI) May 5, 2024

परंतु त्यानंतर सगळीकडूनच वडेट्टीवार यांच्यावर तुफानी हल्ला करण्यात आला. शिवसेना, भाजप, महाराष्ट्र नवनिर्माण सेना, राष्ट्रवादी काँग्रेस या सगळ्या पक्षाच्या नेत्यांनी वडेट्टीवार यांचे वाभाडे काढले. उज्ज्वल निकम यांनी त्यांच्या विरोधात कायदेशीर कारवाई करण्याची तयारी चालवली. निवडणूक आयोगात वडेट्टीवार यांच्याविरुद्ध तक्रार झाली. भाजपने मुंबईत त्यांच्याविरुद्ध मोर्चा काढला.

या पार्श्वभूमीवर सगळीकडून अडचणीत सापडलेल्या विजय वडेट्टीवार यांनी आपणच केलेल्या विधानापासून माघार घेतली. पण ही माघार घेताना त्यांनी माजी पोलीस अधिकारी एस. एम. मुश्रीफ यांनी लिहिलेल्या पुस्तकाचा हवाला दिला. हेमंत करकरे यांना लागलेल्या गोळी संदर्भात केलेले वक्तव्य आपले स्वतःचे नाही, तर मुश्रीफ यांनी ते पुस्तकात लिहिले आहे. ते फक्त मी पत्रकारांना सांगितले, असा दावा वडेट्टीवार यांनी केला. पण त्यामुळे उज्ज्वल निकम यांच्यासारखे वरिष्ठ वकील कसे काय देशद्रोही ठरतात??, याचा खुलासा मात्र वडेट्टीवार यांनी केला नाही.