एनडीपीएस कायद्यात बदल करण्यावर केंद्रीय मंत्री आठवलेंचा भर , म्हणाले - ड्रग्सची नशा करणाऱ्यांना तुरुंगवासाची शिक्षा योग्य नाही |Union Minister Athavale emphasizes on changes in NDPS Act, says imprisonment for drug addicts is not appropriate

एनडीपीएस कायद्यात बदल करण्यावर केंद्रीय मंत्री आठवलेंचा भर , म्हणाले – ड्रग्सची नशा करणाऱ्यांना तुरुंगवासाची शिक्षा योग्य नाही

पत्रकारांशी बोलताना केंद्रीय सामाजिक न्यायमंत्री रामदास आठवले म्हणाले की, अंमली पदार्थांच्या व्यसनाधीनांना तुरुंगाची शिक्षा होते, तर दारू पिणाऱ्यांना शिक्षा होत नाही.Union Minister Athavale emphasizes on changes in NDPS Act, says imprisonment for drug addicts is not appropriate

वृत्तसंस्था

नवी दिल्ली : केंद्रीय मंत्री रामदास आठवले यांनी मंगळवारी चित्रपटसृष्टीला अंमली पदार्थमुक्त करण्यावर भर दिला, पण ज्यांना याची सवय झाली आहे त्यांना तुरुंगवासाची शिक्षा योग्य नाही, असेही ते म्हणाले. यासंबंधीच्या कायद्यात बदल करणे आवश्यक असल्याचे रामदास आठवले म्हणाले.

अंमली पदार्थ बाळगणे हा भारतात गुन्हा आहे आणि NDPS (नार्कोटिक ड्रग्ज अँड सायकोट्रॉपिक सबस्टन्स) च्या कलम 27 मध्ये असे म्हटले आहे की या प्रकरणात दोषी आढळल्यास, गुन्हेगारास एक वर्षांपर्यंत कारावास किंवा २०,००० रुपये दंड किंवा दोन्ही शिक्षा होऊ शकतात.या महिन्यात ३ ऑक्टोबर रोजी बॉलिवूड स्टार शाहरुख खानचा मुलगा आर्यन खानसह २० जणांना या कलमाखाली अटक करण्यात आली आहे.

आठवलेंचा शिवसेनेला सल्ला, भवितव्याचा विचार करून भाजपशी युती करा; सत्तेचा दिला फॉर्म्युला

पत्रकारांशी बोलताना केंद्रीय सामाजिक न्यायमंत्री रामदास आठवले म्हणाले की, अंमली पदार्थांच्या व्यसनाधीनांना तुरुंगाची शिक्षा होते, तर दारू पिणाऱ्यांना शिक्षा होत नाही.आठवले यांनी शाहरुख खानला मुलगा आर्यन खानसाठी सल्लाही दिला आहे.

केंद्रीय मंत्री म्हणाले, ‘एवढ्या लहान वयात ड्रग्ज घेणे चांगले नाही.आर्यन खानचे भविष्य समोर आहे. आर्यन खानला मंत्रालयाशी संलग्न असलेल्या व्यसनमुक्ती केंद्रात पाठवण्याचा मी शाहरुख खानला सल्ला देतो.

आर्यनला एक-दोन महिने तुरुंगात न ठेवता व्यसनमुक्ती केंद्रात ठेवावे, असे आठवले म्हणाले.देशभरात अशी अनेक केंद्रे आहेत. आपल्या मंत्रालयानुसार नवा कायदा बनवायला हवा, ज्याअंतर्गत आरोपींना तुरुंगात पाठवू नये, असेही ते म्हणाले.