Uniform Civil Code : देवभूमी उत्तराखंडमध्ये लवकरच लागू होणार समान नागरी कायदा!

By, Sachin Sutar - June 30, 2023 07:02:02

0

मुख्यमंत्री पुष्कर सिंह धामी म्हणाले ”मी वचन दिले होते.’’

विशेष प्रतिनिधी

उत्तराखंडचे मुख्यमंत्री पुष्कर सिंह धामी म्हणाले की, उत्तराखंडमध्ये लवकरच समान नागरी कायदा लागू केला जाईल. त्यांनी ट्विट करून ही माहिती दिली आहे. यापूर्वी मुख्यमंत्र्यांनी राज्यात समान नागरी कायदा आणणार असल्याचे अनेकदा सांगितले होते. Uniform Civil Code will soon be implemented in Devbhoomi Uttarakhand

ट्विटमध्ये मुख्यमंत्री पुष्कर सिंह धामी यांनी लिहिले की, ‘’देशवासियांना दिलेल्या वचनानुसार आज ३० जून रोजी समान नागरी संहितेचा मसुदा तयार करण्यासाठी स्थापन करण्यात आलेल्या समितीने आपले काम पूर्ण केले आहे. देवभूमी उत्तराखंडमध्ये लवकरच समान नागरी कायदा लागू केला जाईल. जय हिंद, जय उत्तराखंड!’’

जुलैमध्ये कायदा लागू होऊ शकतो –

मुख्यमंत्रीपदाची शपथ घेतल्यानंतर पुष्कर सिंह धामी यांनी उत्तराखंडमध्ये समान नागरी कायदा लागू करणार असल्याची घोषणा केली होती. यानंतर त्यांनी मंचावरून अनेकवेळा उत्तराखंड हे देशातील पहिले राज्य असेल जेथे समान नागरी संहिता लागू केली जाईल, असेही सांगितले होते. जुलैमध्येच हा कायदा लागू केला जाऊ शकतो, असे जाणकारांचे मत आहे, कारण मुख्यमंत्र्यांनी जुलैमध्ये हा कायदा लागू करण्याबाबत अनेकदा बोलले होते.

प्रदेशवासियों से किए गए वादे के अनुरूप आज 30 जून को समान नागरिक संहिता का ड्राफ्ट तैयार करने हेतु बनाई गई समिति ने अपना कार्य पूरा कर लिया है। जल्द ही देवभूमि उत्तराखण्ड में #UniformCivilCode लागू किया जाएगा।

जय हिन्द, जय उत्तराखण्ड !

— Pushkar Singh Dhami (Modi Ka Parivar) (@pushkardhami) June 30, 2023

तेव्हापासून मसुदा समिती या कायद्याबाबत कायद्याचा मसुदा तयार करण्यात गुंतली होती. त्याचवेळी काँग्रेसने या कायद्यावर अनेकदा प्रश्न उपस्थित केले होते. हा कायदा उत्तराखंडमध्ये लागू करण्यास काँग्रेसच्या अनेक बड्या नेत्यांनी विरोध केला होता.