Jharkhand : झारखंडमध्ये १० लाखांचा इनाम असलेला पप्पू लोहारासह दोन नक्षलवादी ठार

By, Pravin Wankhade - May 24, 2025 05:00:24

0

घटनास्थळावरून एके-४७ सह अनेक शस्त्रे आणि माओवाद्यांशी संबंधित वस्तू जप्त

विशेष प्रतिनिधी

लातेहार : Jharkhand झारखंडमधील लातेहार जिल्ह्यातील इचवार जंगलात शनिवारी सकाळी पोलिसांशी झालेल्या चकमकीत १० लाख रुपयांचे बक्षीस असलेले पप्पू लोहारासह दोन नक्षलवादी ठार झाले. मारल्या गेलेल्या दुसऱ्या नक्षलवाद्याची ओळख प्रभात लोहारा अशी झाली आहे. दोघेही झारखंड संघर्ष मुक्ती मोर्चा या बंदी घातलेल्या संघटनेशी संबंधित होते.Jharkhand

चकमकीनंतर, पोलिस आणि सुरक्षा दलाचे पथक जंगलाला वेढा घालून शोध मोहीम राबवत आहे. लातेहारजवळ नक्षलवाद्यांच्या हालचालींची माहिती मिळाल्यानंतर, एसपी कुमार गौरव यांच्या नेतृत्वाखाली पोलिस आणि सुरक्षा दलांचे एक पथक जंगलात शोध मोहीम राबवत असल्याचे सांगण्यात आले.

Devendra Fadnavis : विश्वासार्ह बियाणे आता ‘सारथी’ पोर्टलवर; मुख्यमंत्री फडणवीस यांची माहिती

सकाळी ८ वाजताच्या सुमारास, इचवार जंगलात पोलिस आणि जेजेएमपी नक्षलवादी पथक एकमेकांना भिडले. दोन्ही बाजूंनी झालेल्या गोळीबारात दोन नक्षलवादी ठार झाले, तर काही नक्षलवादी जंगलाचा फायदा घेऊन पळून गेले. मारल्या गेलेल्या नक्षलवाद्यांची नंतर पप्पू लोहारा आणि प्रभात लोहारा अशी ओळख पटली. घटनास्थळावरून एके-४७ सह अनेक शस्त्रे आणि माओवाद्यांशी संबंधित वस्तू जप्त करण्यात आल्या.

पोलिसांच्या माहितीनुसार, नक्षलवादी मोठी घटना घडवण्याच्या उद्देशाने जमले होते. १० लाख रुपयांचे बक्षीस असलेल्या पप्पू लोहाराविरुद्ध झारखंडमधील अनेक पोलिस ठाण्यांच्या क्षेत्रात नक्षलवादी घटनांचे गुन्हे दाखल आहेत. २८ सप्टेंबर २०२१ रोजी लातेहार जिल्ह्यातील सलैया जंगलात सुरक्षा दल आणि पप्पू लोहाराच्या पथकात चकमक झाली, ज्यामध्ये बीएसएफचे डेप्युटी कमांडंट राजेश कुमार शहीद झाले. या चकमकीत एका नक्षलवादीचाही मृत्यू झाला.