तुर्कस्तान-सीरियातील भूकंपातील मृतांची संख्या 29 हजारांच्या पुढे, संयुक्त राष्ट्राने वर्तवला 50,000 मृत्यूंचा अंदाजTurkey-Syria earthquake death toll passes 29,000, UN predicts 50,000 deaths

तुर्कस्तान-सीरियातील भूकंपातील मृतांची संख्या 29 हजारांच्या पुढे, संयुक्त राष्ट्राने वर्तवला 50,000 मृत्यूंचा अंदाज

वृत्तसंस्था

नवी दिल्ली : तुर्कस्तान आणि सीरियामध्ये झालेल्या भूकंपामुळे परिस्थिती दिवसेंदिवस गंभीर होत आहे. जीव गमावणाऱ्यांची संख्या सातत्याने वाढत आहे. नवीन आकडेवारीनुसार, आतापर्यंत 29,896 लोकांचा मृत्यू झाला आहे. त्याचबरोबर या आपत्तीत 85 हजारांहून अधिक लोक जखमी झाल्याची माहिती समोर येत आहे. Turkey-Syria earthquake death toll passes 29,000, UN predicts 50,000 deaths

भूकंपाचा सर्वाधिक फटका तुर्कीला बसला आहे. येथे 24,617 लोकांना आपला जीव गमवावा लागला असून 80 हजारांहून अधिक लोक जखमी झाले आहेत. तर सीरियामध्ये 5,279 लोक मारले गेले आणि 5,000 हून अधिक लोक जखमी झाले. बीएनओ न्यूज या आंतरराष्ट्रीय वृत्तसंस्थेने ही माहिती दिली आहे. संयुक्त राष्ट्राने भूकंपातील मृतांच्या संख्येवर मोठा दावा केला असून मृतांची संख्या 50,000 पर्यंत पोहोचू शकते असे म्हटले आहे.

तुर्कस्तानात भारताचे ऑपरेशन दोस्त : भूकंपानंतर ढिगाऱ्याखाली अडकलेल्या 8 वर्षीय बालिकेची एनडीआरएफने केली सुटका

जर्मनीच्या गृहमंत्री नॅन्सी फेजर यांची मोठी घोषणा

दरम्यान, जर्मनीच्या गृहमंत्री नॅन्सी फेझर यांनी शनिवारी मोठी घोषणा केली असून त्यांचा देश तुर्की आणि सीरियातील भूकंपग्रस्तांना तीन महिन्यांचा व्हिसा देणार असल्याचे सांगितले. फेझर यांनी दैनिक बिल्डला सांगितले की ही आपत्कालीन मदत होती. तुर्कस्तानच्या भूकंपग्रस्त भागात पाचव्या दिवशीही मदत आणि बचावकार्य सुरू आहे. ढिगारा हटवण्यासाठी अवजड यंत्रांचा वापर करण्यात येत आहे.

जागतिक बँकेने तुर्कीला दिले अब्जावधी डॉलरचे कर्ज

जागतिक बँकेने नैसर्गिक आपत्तीत सापडलेल्या तुर्कस्तानला 1.78 अब्ज डॉलरची मदत जाहीर केली आहे. अमेरिकेने तुर्की आणि सीरियाला 85 दशलक्ष डॉलर्सची मदत जाहीर केली आहे. भारतही तुर्कस्तानला सतत मदत करत आहे. एकामागून एक विमानातून मदत साहित्य आणि सैनिक आणि डॉक्टरांची फौज पाठवली जात आहे. भारताची एनडीआरएफ टीम जमिनीवर हजर असून ढिगाऱ्याखाली दबलेल्या लोकांना बाहेर काढण्याचे शक्य ते प्रयत्न केले जात आहेत.