मालदीवने मरियम शियुनासह तीन मंत्री केले निलंबित!

By, Pravin Wankhade - January 7, 2024 07:56:38

0

पंतप्रधान मोदी आणि भारतावर वादग्रस्त टिप्पणी महागात पडली!

विशेष प्रतिनिधी

नवी दिल्ली : पंतप्रधान नरेंद्र मोदी यांच्या लक्षद्वीप दौऱ्याची खिल्ली उडवण्यावरून निर्माण झालेल्या वादावर मालदीव सरकारने मोठी कारवाई केली आहे. मालदीव सरकारने पंतप्रधान मोदी आणि भारताबद्दल अपमानास्पद वक्तव्य केल्याबद्दल मरियम शिउना, मलशा आणि हसन जिहान या मंत्र्यांना निलंबित केले आहे. अध्यक्ष मोहम्मद मुइज्जू यांनीही त्यांची विधाने वैयक्तिक असल्याचे सांगितले होते.

भारताने हे प्रकरण अधिकृतपणे मालदीव सरकारकडे मांडले होते. यावर मालदीव सरकारने कठोर कारवाई करत उपमंत्री (युवा सक्षमीकरण, माहिती आणि कला मंत्रालय) मरियम शिउना, उपमंत्री (वाहतूक आणि नागरी विमान वाहतूक मंत्रालय) हसन जिहान आणि उपमंत्री (युवा सक्षमीकरण, माहिती आणि कला मंत्रालय) मलशा यांना निलंबित केले आहे.

मालदीव के पूर्व राष्ट्रपति इब्राहिम मोहम्मद सोलिह ने ट्वीट किया, "मैं सोशल मीडिया पर मालदीव सरकार के अधिकारियों द्वारा भारत के खिलाफ घृणास्पद भाषा के इस्तेमाल की निंदा करता हूं। भारत हमेशा मालदीव का एक अच्छा दोस्त रहा है और हमें इस तरह की कठोर टिप्पणियों को हमारे दोनों देशों के… pic.twitter.com/m3jFI7XDvu

— ANI_HindiNews (@AHindinews) January 7, 2024

मोहम्मद मुइज्जूचे नवे सरकार आल्यानंतर भारताचे मालदीवशी संबंध बिघडले होते. पंतप्रधान नरेंद्र मोदी यांच्या लक्षद्वीप दौऱ्यादरम्यान शेअर केलेल्या काही छायाचित्रांवर केलेल्या वादग्रस्त विधानामुळे याला उत्तेजन मिळाले.

दरम्यान, पंतप्रधान मोदींच्या लक्षद्वीप दौऱ्याने इंटरनेटवर बरीच चर्चा झाली. सोशल मीडिया युजर्स लक्षद्वीपची तुलना मालदीवशी करत आहेत, जे आपल्या सुंदर समुद्रकिनाऱ्यांसाठी प्रसिद्ध पर्यटन स्थळ आहे. मालदीवचे अध्यक्ष मोहम्मद मुइज्जू यांच्या पक्षाचे सदस्य झाहिद रमीझ यांनी पंतप्रधान मोदींच्या लक्षद्वीप दौऱ्याची खिल्ली उडवली आणि त्यांच्या छायाचित्रांवर टिप्पणी केली.