Bengaluru : बंगळुरूच्या केम्पेगौडा विमानतळ उडवून देण्याची धमकी; दहशतीचे वातावरण

By, Pravin Wankhade - June 19, 2025 09:00:58

0

जाणून घ्या, तपासात कोणती बाब समोर आली आहे.

विशेष प्रतिनिधी

बंगळुरू: Bengaluru बंगळुरूच्या केम्पेगौडा विमानतळावर बॉम्बच्या धमकीने घबराट निर्माण केली. आठवड्यातून मिळालेली ही दुसरी धमकी आहे. दोन्ही वेळा ही धमकी अफवा असल्याचे सिद्ध झाले. आठवड्यात दुसऱ्यांदा विमानतळावर बनावट बॉम्बच्या धमकीचा ईमेल पाठवण्यात आला आहे.Bengaluru

विमानतळ सुरक्षा दलाला बॉम्बच्या धमकीचा ईमेल मिळाला. या धमकीच्या मेलमध्ये एका दहशतवाद्याचे नाव देण्यात आले आहे आणि “दहशतवादी अजमल कसाबला फाशी देणे चुकीचे होते” असा दावा करण्यात आला आहे आणि त्याचा बदला घेतला जाईल, अशी धमकी दिली गेली आहे.

Ajit Pawar : अजितदादांनी नाकारला सत्तेच्या वाट्यातला तुकडा; पवारांनी परतीचा दोर कापला

या महिन्याच्या १३ आणि १६ तारखेला बॉम्बच्या धमकीचे २ ईमेल पाठवण्यात आले होते. दोन्ही ईमेलमध्ये बॉम्ब ठेवल्याची धमकी देण्यात आली होता आणि असे म्हटले होते की जर प्लॅन ए फसला तर प्लॅन बी सक्रिय केला जाईल. एवढंच नाहीतर त्यात असाही दावा करण्यात आला होता की विमानतळाच्या शौचालयाच्या पाइपलाइनमध्ये बॉम्ब ठेवण्यात आला आहे.

धमकी मिळाल्यानंतर, सखोल चौकशी करण्यात आली आणि अधिकाऱ्यांनी ती अफवा घोषित केली. ज्या ईमेल आयडीवरून बनावट बॉम्बची धमकी देण्यात आली होती त्या ईमेल आयडीविरुद्ध गुन्हा दाखल करण्यात आला आहे आणि तपास सुरू आहे. केम्पेगौडा विमानतळ पोलिसांनी या प्रकरणाचा तपास सुरू केला आहे.